Qazaqstandaǵy «eń baı zeınetker» qansha alady?

Biryńǵaı jınaqtaýshy zeınetaqy qory (BJZQ) 1 maýsymdaǵy jaǵdaı boıynsha, qazaqstandyqtardyń zeınetaqy jınaqtary týraly aqparat berdi. Sondaı-aq, qor aı saıynǵy tólemniń eń joǵary somasyn jarııalady,-dep habarlaıdy Qandastar.kz

Qor málimetinshe, 1 maýsymdaǵy jaǵdaı boıynsha salymshylardyń (alýshylardyń) jeke jáne shartty shottarynda 19,2 trıllıon teńge jınalyp, 5 aıda 1,4 trıllıon teńgege (nemese 7,7 paıyzǵa) ulǵaıǵan. Zeınetaqy jınaqtarynyń jyldyq ósimi 3,4 trıllıon teńgeden asady (21,5 paıyz).

Zeınetkerlik jasqa tolýyna baılanysty BJZQ-dan tólenetin ortasha aılyq tólem 33 921 teńgege, al eń joǵary aılyq tólem 945 752 teńgege teń bolǵan.

Aıta keteıik, BJZQ mamyrda Qazaqstandaǵy eń joǵary zeınetaqynyń mólsherin jarııalaǵan bolatyn. Ol kezde de dál osyndaı soma bolǵan – 945 752 teńge.