جاڭالىقتار
قازاقستانداعى ەڭ ۇزىن كوپىر سىناقتان ءوتتى
فوتو: قر كولىك مينيسترلىگى
شىعىس قازاقستان وبلىسىنداعى بۇقتىرما سۋ قويماسى ارقىلى وتەتىن ۇزىندىعى 1316 مەتردى قۇرايتىن ەكى جولاقتى كوپىر ارنايى سىناقتان ءوتتى, دەپ حابارلادى qandastar.kz. بۇل — قازاقستانداعى ەڭ ۇزىن كوپىر.
قر كولىك مينيسترلىگىنىڭ مالىمەتىنشە, كوپىر قۇرىلىسىن تەكسەرۋ ءۇشىن جالپى جۇكتەمەسى 450 توننانى قۇرايتىن 15 جۇك كولىگى تارتىلدى. ارنايى قۇرىلعىلار كوپىردەگى دەفورماتسيا, ءدىرىل (ۆيبراتسيا) جانە جۇكتەمەنى ءبولۋ كورسەتكىشتەرىن تىركەپ الدى.
سىناق ناتيجەلەرى بۇقتىرما سۋ قويماسى ارقىلى وتەتىن جاڭا كوپىردىڭ بارلىق نورماتيۆتىك قاۋىپسىزدىك تالاپتارىنا سايكەس كەلەتىنىن جانە ۇلكەن جۇكتەمەلەرگە توتەپ بەرە الاتىنىن راستادى.
ەكى جولاقتى كوپىر شىعىس قازاقستان وبلىسىنىڭ جارما, كاتونقاراعاي, كۇرشىم, كوكپەكتى, زايسان جانە التاي اۋداندارى اراسىندا كولىكتەردىڭ جىل بويى ۇزدىكسىز ءجۇرۋى ءۇشىن قاجەت.
