Qazaqstandaǵy mektep ashanalary úsh jyl boıy tekserilmegeni anyqtaldy

Foto: ashyq derekkóz

Respýblıka boıynsha mektep ashanalaryna sońǵy úsh jyl boıy tekseris júrgizilmegen, dep habarlaıdy Alash.KZ saıty Densaýlyq saqtaý mınıstrliginiń mektep ashanalaryndaǵy balalardy tamaqpen qamtý júıesine qatysty bergen jaýabyna silteme jasap.

«Úsh jyl boıy tekseris júrgizilmegen»

Mınıstrlik 2020-2023 jyldary mektep ashanalaryndaǵy sanıtarlyq-epıdemıologııalyq talaptardy saqtaý boıynsha eshbir tekseris júrgizilmegenin jazdy. Bul týraly Densaýlyq saqtaý mınıstrligi Massaget.kz tilshisine bergen jaýabynda málimdegen. Ony olar shaǵyn jáne shaǵyn kásipkerlik sýbektilerin tekserýge moratorıı jarııalaý sebebimen túsindirdi:

«2020-2023 jyldar aralyǵynda shaǵyn jáne shaǵyn kásipkerlik sýbektilerin tekserýge moratorıı jarııalaý sebebinen mektep ashanalaryn tekserý is júzinde júrgizilmedi, óıtkeni jalǵa alýshylardyń kópshiligi (shamamen 90%) shaǵyn bıznes sanatyna jatady. Mekteptegi as bloktary epıdemııalyq máni joǵary obektiler sanatyna jatady, olarǵa qatysty ruqsat berý talaptaryna sáıkestigine tekserý (jarty jylda bir retten jıi emes), baqylaý jáne qadaǵalaý sýbektisine barý (jylyna eki retten jıi emes) jáne baqylaý jáne qadaǵalaý sýbektisine barmaı, profılaktıkalyq baqylaý (jarty jylda bir retten jıi emes) jáne jospardan tys tekserý tek qana ruqsat berý talaptaryna zańbuzýshylyqtardyń rastalǵan faktileriniń bolýyna qaraı júzege asady», – delingen mınıstrlik jaýabynyń mátininde.

Sonymen qatar epıdemıologııalyq jaǵdaılardy tekserý tek ataýly fakti tirkelgende ǵana oryndalatyny aıtyldy.

«О́z kezeginde naqty rastaıtyn faktiler men aryz-shaǵymdar tirkelgen jaǵdaıda, Qazaqstan Respýblıkasy Bas prokýratýrasy Quqyqtyq statıstıka jáne arnaıy esepke alý jónindegi komıtetiniń aýmaqtyq departamentterinde jospardan tys tekserý tirkelip, sanıtarlyq-epıdemıologııalyq tekserý júrgiziledi. Tekseris jumystary boıynsha qarajat bólingen emes»,– dep jaýap berdi quzyrly mekeme.

Baqylaý jumystary kúsheıtiledi

Aǵymdaǵy jyldyń 8 maýsymynan bastap «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń kodeksine (budan ári – Densaýlyq týraly kodeks) sáıkes, nysandardy sotqa bermeı, obektiniń qyzmetin toqtata turý, qaýipti ónimdi alyp qoıý jáne jumystan ýaqytsha shettetý túrindegi jedel den qoıý sharalaryn qabyldaý boıynsha sanepıdqyzmet organdaryna quzyret berý bóliginde obektilerdi memlekettik sanıtarlyq-epıdemıologııalyq qadaǵalaýdy kúsheıtýdi kózdeıtin túzetýler arqyly mektep ashanalaryndaǵy jaǵdaıdyń jiti tekserýge túsetini ataldy.

«Mınıstrlik sanıtarlyq-epıdemıologııalyq talaptarǵa sáıkes kelmeıtin mektep ashanalaryna qatysty, onyń ishinde sanıtarlyq epıdemıologııalyq qorytyndy bolmaǵan kezde, sáıkes kelmeıtin ónimdi satýǵa tyıym salý jáne medıınalyq tekserý bolmaǵan jaǵdaıda qyzmetkerlerdi jumystan ýaqytsha shettetý jóninde tıisti den qoıý sharalaryn qabyldaıtyn bolady», – delingen mátinde.

2 mıllıonǵa jýyq oqýshy mektepte tegin tamaq ishedi

Elimizde byltyrdan beri 753 mektepte ashanalar jańǵyrtyldy. Bul týraly Oqý-aǵartý mınıstrligi redakııaǵa bergen resmı jaýabynda jazdy.

«2023 jyldyń basynan beri 753 mektepte (2023 jyly – 263 mektep, 2024 jyly – 490 mektep) ashanalar jańǵyrtyldy. Qazirgi ýaqytta 403 mektepte óńirlerdiń ákimdikteri modýldik ashanalardyń ashylýymen jáne keıterıng arqyly býfettik tamaqtandyrýdy uıymdastyrdy», – delingen mınıstrlik málimdemesinde.

Sondaı-aq bıyl bastaýysh jáne áleýmettik osal top sanatyndaǵy oqýshylardy mektepterde tegin tamaqpen qamtamasyz etý úshin 164,2 mıllıard teńge bólingeni aıtyldy.

«Jergilikti atqarýshy organdardyń derekteri boıynsha 1 qyrkúıekten bastap 1,7 mln astam oqýshy (bastaýysh synypta – 1,4 mln oqýshy, áleýmettik osal top sanatynan shyqqan 340 myńnan astam 5-11 synyp oqýshylary) tegin tamaqpen qamtamasyz etiledi. Osy maqsatqa jergilikti bıýdjetten 164,2 mlrd teńge bólindi», – dep jaýap berdi mınıstrlik.

Qosa ketsek, bıyl 7 qyrkúıek kúni Mańǵystaý oblysy Besshoqy aýylynda mektep ashanasynda 140-tan astam oqýshy astan ýlanyp, medıınalyq mekeme kómegine júgingen bolatyn. Eki oqýshynyń jaǵdaıy asa aýyr dep baǵalanyp, jansaqtaý bóliminen bir-aq shyqqan edi. Keıinnen mektep ashanasyn sanıtarlyq-epıdemıologııalyq jospardan tys tekserý barysynda óreskel sanıtarlyq zańbuzýshylyqtar anyqtalǵan edi. Munaıly aýdandyq Polıııa basqarmasymen №244450031000356 qylmystyq kodekstiń – 1-bólimi 304-baby boıynsha qylmystyq is qozǵalyp, sotqa deıingi tergeý bastalǵanyn málimdegen bolatyn.

Aıta keteıik, Qazaqstanda sońǵy 5 jylda mektep oqýshylary arasynda tamaqtan ýlanýdyń 25 deregi tirkeldi. Onyń ishinde: Almaty oblysy 2 derek tirkelip, 12 bala; Aqtóbe oblysynda 2 jaǵdaı oryn alyp, 29 bala; BQO-da 1 derek tirkelip, 4 bala; Pavlodarda 3 jaǵdaı bolyp, 40 bala, Astanada 4 derek oryn alyp, 31 bala, Shymkentte 2 derek tirkelip, 19  bala zardap shekken. Al ShQO-da bes jylda úsh jaǵdaı oryn alyp, 217 bala astan ýlanǵan. Qostanaıda bir jaǵdaıdan 12 bala, Túrkistanda úsh bala zardap shekken.