Qazaqstandaǵy pansıonatta zeınetkerlerdi kıimsiz aýlada ustaǵan

Foto: gov.kz

Aqsý qalasynyń prokýratýrasy qadaǵalaý qyzmetin júzege asyrý barysynda jergilikti bıýdjetten qarjylandyrylatyn pansıonattardyń birinde qarttarǵa qatygezdik kórsetý faktilerin anyqtady, dep jazdy qandastar.kz

Bas prokýratýranyń aqparatynsha, mekemede túsirilgen beınejazbalardy zertteý barysynda qorqynyshty faktiler ashyldy: pansıonat qyzmetkerleri turaqty eki dármensizdi uzaq ýaqyt boıy qorlap, zorlyq-zombylyq kórsetken.

«Jábirlenýshilerdiń biriniń jasy — 84-te.

Olardy únemi uryp-soǵyp, qoldaryn burap, qystyń sýyǵynda syrt kıimsiz aýlada ustaǵan.

Osy fakti boıynsha Aqsý qalasynyń prokýratýrasy QR QK 110-babynyń 2-bóligi boıynsha sotqa deıingi tergep-tekserýdi bastady.

Qazirgi ýaqytta barlyq kináli adamdar anyqtaldy», – delingen habarlamada.