Qazaqstandaǵy sý tasqyny: Bıznesmender kómek retinde jınaǵan qarajattyń kólemi belgili boldy

Premer-mınıstrdiń orynbasary Qanat Bozymbaevtyń sózinshe, qazirgi tańda qarjynyń 40 paıyzǵa jýyǵy ıgerildi.

«Kóptegen jýrnalıster sý tasqynynan zardap shekkenderge qandaı kásipkerler, qalaı kómek kórsetkenin nemese kómek kórsetip jatqanyn naqty aıtyp berýimizdi suraıdy. Bul kestede óńirler boıynsha qandaı kásipkerlerge jáne qazirgi tańda turǵyn úıdi satyp alýǵa jáne jóndeýge qandaı somalar bólingeni kórsetilgen. Olardyń birazy «Demeý» jáne «Qazaqstan halqy» qorlaryna qarjy aýdardy. Qalǵany, aımaqtardaǵy qorlarǵa aýdarady nemese jergilikti kásipkerler kómektesip jatyr. Qazirgi tańda qarjynyń 40 paıyzǵa jýyǵy ıgerildi. Biraq biz áli jazdyń ortasyna jetken joqpyz, biz keste boıynsha jumys isteımiz», – dedi vıe-premer Qanat Bozymbaev.

Aqmola oblysy

Munda kómekti Vıacheslav Kım (5 mıllıard teńge), «Kazınk» (3 mıllıard teńge), Bolat О́temuratov (1 mıllıard teńge), Sergeı Kan (500 mıllıon teńge), Aıdyn Rahymbaev (200 mıllıon teńge), «Qazaqstan halqyna» (3, 67 mıllıard teńge) jiberdi.

Aqtóbe oblysy

Kómekti ERG (15 mıllıard teńge), Bolat О́temuratov (10 mıllıard teńge), Aıdyn Rahymbaev (2 mıllıard teńge), Alıdar О́temuratov (500 mıllıon teńge), «Qazaqstan halqyna» (530 mıllıon teńge) jiberdi.

Atyraý oblysy

Tımýr men Dınara Qulybaevtar (30 mıllıard teńge), «QazMunaıGaz» (7 mıllıard teńge), Keńes Raqyshev (1,2 mıllıard teńge), Aıdyn Rahymbaev (1 mıllıard teńge), Jusan bank (1 mıllıard teńge), «Qazaqstan halqyna» (2, 6 mıllıard teńge).

Batys Qazaqsan oblysy

ERG (20 mıllıard teńge), Nurlan Smaǵulov (5,55 mıllıard teńge), Baqytbek Baıseıitov (5,5 mıllıard teńge), Nurlan Artyqbaev (5 mıllıard teńge), Ǵalymjan Esenov (5,7 mıllıard teńge), Bahrıdın Áblázimov (2,7 mlrd teńge), Qarashyǵanaq Petroleým Opereıtıng (2 mıllıard teńge), Aıdyn Rahymbaev (1 mıllıard teńge), Farrýh Mahmýdov (1 mıllıard teńge), Saıdýlla Qojabaev (1 mıllıard teńge), Bolat О́temuratov (1 mıllıard teńge), «Kondensat» AQ (560 mıllıon teńge), «Jaıyq Munaı» AQ ( 560 mıllıon teńge), World Green Company (1 mıllıard teńge), «Qazaqstan Halqyna» (3,19 mıllıard teńge).

Qostanaı oblysy

ERG (4,5 mıllıard teńge), «Bazıs-A» (3,3 mıllıard teńge), Andreı Lavrentev jáne Iýrıı haı (3 mıllıardteńge), Danııar Ábilǵazın (2 mıllıard teńge), Qaırat Májibaev (1,46 mıllıard teńge), «Qazaqstan halqy» (2,46 mıllıard teńge).

Soltústik Qazaqstan oblysy

Vladımır Kım, Edýard Ogaı, Oleg Novachýk (40 mıllıard teńge), Vıacheslav Kım (15 mıllıard teńge), Sergeı Kan (1 mıllıard teńge), «Qazaqstan halqy» (2,7 mıllıard teńge).

«Demeý» qory 35 mıllıard teńge, al «Qazaqstan halqyna» 6,5 mıllıard teńge jınady.

Jınalǵan qarajattyń jalpy somasy 250,5 mıllıard teńge boldy.