Qazaqstandyq áıel Telegram-arnasy arqyly 20 myń teńge tabys taýyp, jarty mıllıon qaryz bolǵan

Foto: Shutterstock

Qostanaı oblysyndaǵy Jitiqara aýdandyq soty jergilikti turǵynnyń atyna 1,5 mıllıon teńge kólemindegi banktik nesıeni bilmeı bergen azamattyń isin qarady. Bul týraly Stan.kz aqparat agenttigi habarlaıdy.

Sottyń habarlaýynsha, nesıe áıeldiń atynan ótken jyldyń naýryz aıynda onlaın-ótinish arqyly berilgen.

«Sol kúni mobıldi qosymsha arqyly talapkerdiń banktik shotynan jaýapkerdiń banktegi kartochkalyq shotyna 500 myń teńge somasynda qarajat aýdaryldy», – dedi sot.

Áıel alaıaqtyq faktisi boıynsha quqyq qorǵaý organdaryna habarlasqan. Sodan keıin Qylmystyq kodekstiń 190-baby 2-bóligi 4-tarmaǵy (Alaıaqtyq) boıynsha qylmystyq is qozǵaldy. Sotta sottalýshy óz kinásin moıyndap, qupııa sózdi úshinshi tulǵalarǵa bergenin aıtty.

«2023 jyldyń naýryz aıynda ol Telegram-arnasynda aqsha tabýǵa bolatynyn kórgen. Ol úshin mobıldi qoldanbada akkaýnt ashqan. Sodan keıin ol akkaýnttyń qupııa sózin úshinshi tulǵaǵa bergen. Olardyń ótinishi boıynsha ol 20 myń teńge alǵan. Artynsha mobıldi qosymshasyn paıdalana almaı qalǵan», – dep habarlady sot.

Logın, parol nemese bir rettik kodtar arqyly ınternet jáne mobıldi bankıng arqyly júrgizilgen barlyq operaııaǵa bank klıentteriniń ózderi jaýapty bolǵandyqtan, sot talap aryzdy qanaǵattandyrý týraly sheshim qabyldady.

Sheshim zańdy kúshine engen joq.

Oblystyq sot sheshimi boıynsha, jaýapker talapkerge 500 myń teńge tóleýge mindetteldi. Jábirlenýshi ekinshi tulǵadan bir mıllıon teńge óndirip alý úshin tıisti organǵa shaǵym túsirdi.

Aıta keteıik, buǵan deıin Túrkistanda memleketten grant alǵysy kelgen áıel alaıaqqa aldanyp qalǵany týraly jazǵan edik.