جاڭالىقتار
قازاقستاندىق اكتريسا Netflix فيلمىنە تۇسپەك
فوتوكوللاج Azattyq Rýhy
قازاقستاندىق تانىمال اكتريسا التىناي نوگەربەك Netflix پلاتفورماسىنىڭ قارلاگ تۋرالى جاڭا فيلمگە ءتۇسىپ جاتىر, دەپ جازدى qandastar.kz
Ulys-قا بەرگەن سۇحباتىندا اكتريسا ءتۇسىرىلىمنىڭ يسپانيانىڭ بيلباو قالاسىندا ءوتىپ جاتقانىن جانە ونىڭ 2,5 ايعا سوزىلاتىنىن ايتتى. جوباعا قازاقستاننان تاعى ءۇش اكتەر – دينا تاسبولاتوۆا, سەرگەي ۋفيمتسەۆ جانە فارابي اقكوزوۆ شاقىرىلعان. فيلم رەجيسسەرى – «بۋماجنىي دوم» سەريالىمەن تانىمال يسپاندىق ميگەل انگەل ۆيۆاس. باستى رولدە «ەليتا» دراماسىنان بەلگىلى اارون پيپپەر وينايدى.
التىناي نوگەربەكتىڭ ايتۋىنشا, بۇل جوبا قازاقستانداعى يسپان ەلشىسىنىڭ باستاماسىمەن جۇزەگە اسىرىلعان. ەلشى قارلاگ-تا بولعان يسپاندار تۋرالى دەرەكتى فيلمدەر ءتۇسىرىپ, وسى تاقىرىپتى كوركەم فيلم رەتىندە كەڭىنەن تانىستىرۋعا ۇسىنىس جاساعان. ءفيلمنىڭ ستسەناريى بىرنەشە رەت وزگەرتىلىپ, تولىقتىرىلعان.
وقيعا يسپان دارىگەرى مەن قازاق قىزى ايسۇلۋدىڭ اراسىنداعى قارىم-قاتىناسقا نەگىزدەلگەن. ايسۇلۋدىڭ ءرولىن دينا تاسبولاتوۆا سومدايدى. فيلمدە قازاق قىزىنىڭ تۋعان جەرىنە دەگەن سۇيىسپەنشىلىگى مەن پاتريوتتىق سەزىمى تەرەڭ كورسەتىلەدى. التىناي نوگەربەك قارلاگ-تاعى انانىڭ ءرولىن وينايدى. ءفيلمنىڭ پرەمەراسى 2025 جىلدىڭ سوڭىنا جوسپارلانعان.
