Qazaqstandyq Almatydaǵy álem chempıonatynda altyn medal aldy

Qazaqstandyq frıstaılshy Anastasııa Gorodko Almatyda ótip jatqan jasóspirimder arasyndaǵy álem chempıonatynda altyn medal jeńip aldy, dep jazdy qandastar.kz

Búgin paralleldi mogýl saıysynda baq synaǵan Anastasııa Gorodko altyn medalǵa qol jetkizdi. Sheshýshi synda ol amerıkalyq Rız Chapdelaındi jeńip, jeńimpaz atandy. Qola júlde amerıkalyq Ebbı Maklarnonǵa buıyrdy.

Paralleldi mogýl jarysyna 11 elden 23 sportshy qatysty. Al bir kún buryn Anastasııa jekeleı jarysta kúmis medal ıelengen edi.

Eske salsaq, 2022 jylǵy álem chempıonatynda Anastasııa Gorodko úsh medalǵa ıe boldy: paralleldi mogýlda jeńiske jetip, jekeleı jáne aralas komandalyq synda ekinshi oryn aldy. Sonymen qatar, 2024 jylǵy álem chempıonatynda ol mogýldan birinshi, paralleldi mogýldan ekinshi orynǵa taban tiredi.