جاڭالىقتار
قازاقستاندىق ارىپتەسىنەن كەشىرىم سۇراعان ۋكراينا پرەمەرى وتستاۆكاعا كەتتى
15 شىلدەدە ۋكراينا پرەمەر-ءمينيسترى دەنيس شمىگال وتستاۆكاعا كەتۋ جونىندە ءوتىنىش جازدى, دەپ حابارلادى Qandastar.kz سايتى ۋنيان پورتالىنا سىلتەمە جاساپ. ول پرەزيدەنت ۆلاديمير زەلەنسكيگە سەنىم بىلدىرگەنى ءۇشىن العىس ايتىپ, ءوز كومانداسىنا ريزاشىلىعىن ءبىلدىردى. پرەمەر-مينيستر قىزمەتىن ونىڭ ورىنباسارى يۋليا سۆيريدەنكو اتقاراتىن بولدى.
اگەنتتىك مالىمەتىنشە, شمىگال وتستاۆكاعا ۋكراينادا اتقارۋشى بيلىك جۇيەسىندە بولعالى وتىرعان رەفورمالارعا بايلانىستى كەتكەن. بۇعان دەيىن زەلەنسكي شمىگالدىڭ تاجىريبەسى ەلدىڭ قورعانىس ءمينيسترى قىزمەتىندە پايدالى بولاتىنىن ايتقان.
سوندىقتان ەكس-پرەمەر الداعى ۋاقىتتا ۋكراينا قورعانىس مينيسترلىگىن باسقارۋى مۇمكىن. ايتا كەتەيىك, ۋكراينا رەسەيمەن ءۇش جىلدان استام ۋاقىتقا سوزىلعان سوعىستىڭ ورتاسىندا تۇر.
شمىگالدىڭ ءومىربايانىندا قازاقستانعا قاتىستى ەرەكشە ءبىر جايت بار. 2020 جىلى, كوروناۆيرۋس پاندەمياسىنىڭ ءورشىپ تۇرعان كەزىندە, ول قازاقستاننىڭ سول كەزدەگى پرەمەر-ءمينيسترى اسقار ماميننەن رەسمي كەشىرىم سۇراۋعا ءماجبۇر بولدى.
سەبەبى ۋكراينا ينفراقۇرىلىم ءمينيسترى ۆلاديسلاۆ كريكلي مامينمەن كەزدەسۋگە كەلگەندە, جارامسىز پتر-تەست ۇسىنعان. وسىدان كەيىن اسقار مامين ۋكراين پرەمەرىنىڭ كەشىرىمىن قابىلداۋدان باس تارتقان ەدى.
بۇل كەزدە ۋكراينا مەن رەسەي اراسىنداعى بەيبىت كەلىسسوزدەر تىعىرىققا تىرەلىپ تۇرعان.
