Qazaqstandyq áriptesinen keshirim suraǵan Ýkraına premeri otstavkaǵa ketti

15 shildede Ýkraına premer-mınıstri Denıs Shmygal otstavkaǵa ketý jóninde ótinish jazdy, dep habarlady Qandastar.kz saıty ÝNIAN portalyna silteme jasap. Ol prezıdent Vladımır Zelenskııge senim bildirgeni úshin alǵys aıtyp, óz komandasyna rızashylyǵyn bildirdi. Premer-mınıstr qyzmetin onyń orynbasary Iýlııa Svırıdenko atqaratyn boldy.

Agenttik málimetinshe, Shmygal otstavkaǵa Ýkraınada atqarýshy bılik júıesinde bolǵaly otyrǵan reformalarǵa baılanysty ketken. Buǵan deıin Zelenskıı Shmygaldiń tájirıbesi eldiń Qorǵanys mınıstri qyzmetinde paıdaly bolatynyn aıtqan.

Sondyqtan eks-premer aldaǵy ýaqytta Ýkraına Qorǵanys mınıstrligin basqarýy múmkin. Aıta keteıik, Ýkraına Reseımen úsh jyldan astam ýaqytqa sozylǵan soǵystyń ortasynda tur.

Shmygaldiń ómirbaıanynda Qazaqstanǵa qatysty erekshe bir jaıt bar. 2020 jyly, koronavırýs pandemııasynyń órship turǵan kezinde, ol Qazaqstannyń sol kezdegi premer-mınıstri Asqar Mamınnen resmı keshirim suraýǵa májbúr boldy.

Sebebi Ýkraına ınfraqurylym mınıstri Vladıslav Krıklıı Mamınmen kezdesýge kelgende, jaramsyz PTR-test usynǵan. Osydan keıin Asqar Mamın ýkraın premeriniń keshirimin qabyldaýdan bas tartqan edi.

Bul kezde Ýkraına men Reseı arasyndaǵy beıbit kelissózder tyǵyryqqa tirelip turǵan.