Qazaqstandyq arý Antarktıdany júzip ótti

Foto: mınıstrlik

Ánel Sytdyqova TMD memleketteri arasynda alǵash bolyp Antarktıdanyń muzdaı sýy arqyly júzip ótti, dep qandastar.kz aqparat portaly Sportministri Instagram paraqshasyna silteme jasap habarlaıdy.

Ol 750 metr qashyqtyqty 18.58.95 mınýtta baǵyndyrǵan. Bul ýaqytta sýdyń temperatýrasy -1,4 gradýsty kórsetken.

Onyń aıtýynsha, Antarktıdada bolǵan on kúnniń ishinde júzý úshin qolaıly sátti kútken. Onyń ústine kemede basqa 150 jolaýshy bolǵandyqtan, korabl tártibin de saqtaý kerek edi.

«Antarktıdanyń sýlaryn júzip óttik. Men úshin bul óte salqyn boldy. Sýdyń salqyndyǵy -1,4 gradýs bolsa, jeldiń jyldamdyǵy saǵatyna 35 shaqyrym edi. Aısbergter men pıngvınder arasynda júzýdiń áseri bólek. Antarktıda muzdaı qushaǵyn ashqan az ǵana adamnyń qatarynda bolý men úshin erekshe oqıǵa boldy», — deıdi Á.Sytdyqova.