جاڭالىقتار
قازاقستاندىق اسكەريلەر ماسكەۋدەگى پارادقا قاتىسادى
قورعانىس مينيسترلىگى قازاقستاندىق اسكەري قىزمەتكەرلەر ماسكەۋدە جەڭىستىڭ 80 جىلدىعىنا ارنالعان اسكەري پارادقا قاتىساتىنىن مالىمدەدى. بۇل تۋرالى qandastar.kz سايتى Stan.kz اقپارات اگەنتتىگىنە سىلتەمە جاساپ حابارلادى.
مالىمەتتەرگە سەنسەك, ماسكەۋدەگى قىزىل الاڭدا وتەتىن پارادتا قازاقستاننىڭ 37-دەسانتتىق-شابۋىلداۋشى بريگاداسىنىڭ پانفيلوۆ اتىنداعى سالتاناتتى توبى ساپ تۇزەپ وتپەك. اسكەريلەر رەسەيگە كەلىپ تە ۇلگەردى. ولار ۆولوكولامسك قالاسىنداعى پانفيلوۆشىلار مۋزەيىنە بارىپ, نەليدوۆو اۋىلىنداعى باۋىرلاستار زيراتىنا جەرلەنگەن جاۋىنگەرلەر رۋحىنا تاعزىم ەتتى.
مەرەكەلىك شاراعا پرەزيدەنت قاسىم-جومارت توقاەۆ تا قاتىسادى. بۇعان دەيىن مەملەكەت باسشىسى ەلىمىزدە جەڭىس كۇنىنە ارنالعان شارالار 7 جانە 8 مامىر كۇندەرى وتەتىنىن, سودان كەيىن ماسكەۋگە باراتىنىن ايتقان ەدى.
«ىشكى شارالار اياقتالعاننان كەيىن مەن ماسكەۋگە جۇمىس ساپارىمەن بارامىن», – دەدى توقاەۆ.
سونىمەن قاتار پارادقا قىرعىزستان, وزبەكستان, تاجىكستان جانە تۇرىكمەنستان باسشىلارى دا قاتىسادى. 2023 جانە 2024 جىلدارى دا قاسىم-جومارت توقاەۆ ماسكەۋدەگى پارادتارعا بارعان ەدى.
