Qazaqstandyq azamat ózin ustaı almaı qytaılyq bastyǵyn uryp tastaǵan

Foto: Jasandy ıntellekt jasaǵan

Jambyl oblysynyń Moıynqum aýdanynda zaýyt jumysshysy óz bastyǵy Qytaı azamatyn urǵany úshin sottaldy, dep jazdy qandastar.kz

Bul týraly Stan.kz aqparat agenttigi habarlaıdy.

Oqıǵa 2025 jyldyń maýsym aıynda bolǵan. Bul týraly aýdandyq sottyń baspasóz qyzmeti habarlady.

Is materıaldarynda kórsetilgendeı, er adam bastyǵyna jumys ýaqytynyń tabelin qol qoıý úshin jaqyndaǵan. Alaıda bastyǵy qol qoıýdan bas tartyp, ekeýiniń arasynda daý týyndaǵan. Sol sátte jumysshy ashýlanyp, bastyǵyn birneshe ret judyryqpen betinen jáne denesinen urǵan.

Bastyq jaraqat alyp, sotqa júgindi. Jumysshyǵa «dene jaraqatyn salý» baby boıynsha aıyp taǵyldy. Ol kinásin moıyndap, keshirim surady jáne qatań jazalamaýdy ótindi.

Alaıda basshysy keshirim bermeı, moraldyq zııan men sot shyǵyndary úshin 1 mıllıon teńge talap etti.

“Sot aıyptalýshynyń kinásin moıyndaǵanyn jáne ókinish bildirgenin eskerip, oǵan 157 280 teńge (ıaǵnı 40 aılyq eseptik kórsetkish) aıyppul saldy. Sondaı-aq, sot bastyǵynyń talabyn jartylaı qanaǵattandyryp, jumysshyny 500 myń teńge kóleminde ótemaqy tóleýge mindettedi”, – delingen habarlamada.

Úkim áli zańdy kúshine engen joq.