Qazaqstandyq bankter 21 jasqa tolmaǵan azamattarǵa karta bermeıdi

Foto:Igor Egorov

Elimizde bankter 21 jasqa tolmaǵan azamattarǵa onlaın karta berýdi toqtatýy múmkin, dep habarlaıdy qandastar.kz

Qarjy naryǵyn retteý jáne damytý agenttigi dropperlik, esirtki aınalymy, qarjy pıramıdalary men onlaın kazınonyń qyzmetine shekteý qoıý maqsatynda úkimetke osyndaı usynys tastady.

Joba maquldansa, qazaqstandyqtardyń marketpleısterde jáne ózge de ınternet saıttarda 500 myń teńgeden artyq somaǵa jasaǵan saýdasy, sheteldik aqsha aýdarymdary qatań baqylaýǵa alynady. Bul týraly bankter quzyrly organdarǵa habarlaýǵa mindetteledi.

Budan bólek, ár azamat óz atyna tirkelgen tek bir ǵana baılanys nómirin banktik kartasyna tirkeı alady. Al 18 ben 21 jas aralyǵyndaǵy klıentterge qazirgideı qashyqtan nemese ókil arqyly tólem kartasyn qaıta shyǵarýǵa tyıym salynady. Bankke mindetti túrde ózderi kelýge tıis.

«Alaıaqtar jastarǵa onlaın aqsha tabýǵa ýáde berip, olardyń banktik derektemelerin urlaıdy nemese olardy aldap, dropperlikke tarta otyryp, shottarynan zańsyz tólemder men aýdarymdar jasaýǵa ıtermeleıdi. Sonymen qatar bankter klıentke birneshe tólem kartochkasyn shyǵarǵan kezde shot boıynsha aqsha qozǵalysynyń kartochkany shyǵarý maqsatyna sáıkes kelýin monıtorıngteıtin bolady. Alaıaqtardyń qaskúnemdik yqpalynan jáne aldaýdan qorǵaý maqsatynda 14-18 jas aralyǵyndaǵy jastardyń operaııalaryn ata-anasy nemese ózge de qamqorshylary mindetti túrde tekserýin engizý usynylady», — deıdi Qarjy naryǵyn retteý jáne damytý agenttigi basqarmasynyń basshysy Erlan Sársenbekuly.

Qarjy naryǵyn retteý jáne damytý agenttigi Qazaqstanda bank qyzmetterin usyný erejelerin qatańdatýdy kózdeıtin qaýly jobasyn jarııalady. Maqsat — klıentterdi alaıaqtyqtan qorǵaý, aqsha jymqyrý men terrorızmdi qarjylandyrýǵa (AJ/TQ) qarsy kúresti kúsheıtý.

Onlaın-bankıng — tek 21 jastan bastap

Qujatqa sáıkes, 18 ben 21 jas aralyǵyndaǵy qazaqstandyqtarǵa onlaın rejımde tólem kartalaryn ashýǵa jáne qaıta shyǵarýǵa tyıym salynady. Endi bul qyzmet tek banktiń bólimshesine jeke kelý arqyly ǵana qoljetimdi bolady. Sonymen qatar, bankterge osy jas sanatyndaǵy azamattarmen qashyqtan iskerlik qarym-qatynas ornatýǵa tyıym salynady.

14 pen 18 jas aralyǵyndaǵy jasóspirimderge qosymsha talap engiziledi: onlaın rejımde bank qyzmetterin alǵan kezde barlyq operaııalar ata-analarynyń nemese zańdy ókilderiniń kelisimimen ǵana júzege asyrylýy tıis.

Barlyq bankterge arnalǵan jańa erejeler

Bankterge myna mindetter júkteledi:

● Klıentterdiń bıometrııalyq derekterin (foto, vıdeo) yntymaqtastyq aıaqtalǵannan keıin keminde bes jyl saqtaý;

● Operaııalardy taldaý, alaıaqtyqty anyqtaý jáne qarjy pıramıdalarynyń belgilerin baqylaý úshin jasandy ıntellekt pen mashınalyq oqytý algorıtmderin paıdalaný;

● Klıenttermen qashyqtan ózara áreketteskende eki faktorly jáne bıometrııalyq sáıkestendirýdi qoldaný;

● Barlyq kartalar men shottardy mobıldi azamattar bazasynda tirkelgen bir telefon nómirine bekitýdi qamtamasyz etý;

● Kredıttik tirkeýge uqsas biryńǵaı tólem kartalary bazasyn qurý, bul bir adamǵa birneshe kartanyń shyǵarylýy nemese ártúrli karta ıeleriniń bir SIM kartasyn qoldanýy sııaqty zańsyz áreketterdi anyqtaýǵa kómektesedi.

Kimder kúsheıtilgen baqylaýǵa alynady?

Jańa erejeler kúsheıtilgen baqylaýǵa alynatyn basqa da klıent sanattaryna qatysty. Olardyń qataryna:

● Bir nemese birneshe bankten bes nemese odan da kóp kartasy bar adamdar (belgilengen jaǵdaılardy qospaǵanda);

● Turaqty turý yqtııarhaty nemese VNJ-syz rezıdent emester;

● 14 pen 25 jas aralyǵyndaǵy resmı tabysy joq, úshinshi tulǵalarǵa iri kólemde jıi aýdarym jasaıtyn adamdar;

● Shekara mańyndaǵy bólimshelerde nemese banktiń elektrondyq qurylǵylary (mysaly, kartomattar) arqyly karta alǵan klıentter.

Sondaı-aq, karta maqsaty men operaııa sıpaty arasyndaǵy sáıkessizdikter anyqtalatyn bolady. Eger kúdik týyndasa, bank:

● Klıentke saýalnama jiberedi;

● Qaıta sáıkestendirý júrgizedi (bıometrııany qosa alǵanda);

● Qajet bolǵan jaǵdaıda onlaın qyzmet kórsetýdi ýaqytsha toqtatyp, tereńdetilgen tekserý bastaıdy.

Dropperlermen kúreske erekshe nazar aýdarylady

Qujatta kartalardy óz atyna rásimdep, keıin olardy úshinshi tulǵalarǵa beretin dropperlermen kúreske erekshe nazar aýdarylǵan. Bul maqsatta:

● Dropperlerdi anyqtaý úshin jasandy ıntellekt pen ıfrlyq sheshimderdi qoldaný;

● Bankter kartalar men operaııalar týraly egjeı-tegjeıli aqparatty jiberetin antıfrod-ortalyq qurý;

● Bir telefon nómirinen ártúrli adamdardyń kartalaryn paıdalaný sııaqty zańsyz áreketter anyqtalǵan jaǵdaıda, barlyq ekinshi deńgeıli bankterde kúdikti kartalar men shottardy buǵattaý júıesin engizý usynylady.

Shekaraaralyq aýdarymdardy baqylaý kúsheıtiledi. 500 000 teńgeden asatyn operaııalar qosymsha tekserýden ótedi.