قازاقستاندىق بەلسەندى ترامپتىڭ يناۋگۋراتسياسىنا شاقىرتۋ الدى

فوتو: Evan Vucci

تانىمال قوعام بەلسەندىسى, تاۋەلسىز ءدىن زەرتتەۋشى تۇراربەك قۇسايىن ۇلىن اقش پرەزيدەنتىنىڭ يناۋگۋراتسياسىنا شاقىردى دەپ حابارلايدى qandastar.kz

بۇل تۋرالى تۇراربەك قۇسايىن ۇلى ءوزىنىڭ الەۋمەتتىك جەلىدەگى پاراقشاسىندا جازدى.

«اقش پرەزيدەنتى Donald J. Trump مىرزانىڭ 20-ءشى قاڭتاردا وتەتىن يناۋگۋراتسياسىنا بايلانىستى يناۋگۋراتسيالىق پاراد وتكىزەتىن كوميتەت ماعان اقش-قا كەلۋگە ۇسىنىس جاساپ, ەلەكتروندىق پوشتاما  تومەندەگىدەي حات جىبەرىپتى.

سودان ەل.پوشتامدى جاڭا عانا كورىپ, اتتەڭ دەپ وتىرمىن, سەبەبى ءوتىنىمدى تولتىرۋ مەرزىمىنىڭ ۋاقىتى (دەدلاين) كۇنى كەشە ءوتىپ كەتكەن.ەندى ءوز كوزىمە ءوزىم سەنبەي, سىلتەمەنى باسىپ مۇقيات تەكسەرسەم, شىنىمەن دە اتالمىش سايت اقش پرەزيدەنتىنىڭ يناگۋراتسيالىق پارادىن ۇيىمداستىراتىن ورگاننىڭ رەسمي پورتالى ەكەن. ەح, قايناۋى كەم ءبىر دۇنيە-اي…» دەپ جازدى قوعام بەلسەندىسى.