Qazaqstandyq bloger 8 myń ınflıýenserge salyq komıtetinen hat kelgenin aıtty

Foto Orda.kz

Qazaqstandyq bloger Álisher Elikbaev áleýmettik jelilerde 8 myń blogerge salyq komıtetinen hattar kelip jatqanyn jetkizdi. Aıtýynsha, blogerler mıllıardtaǵan teńge salyq tólemedi dep aıyptalyp otyr. Bul týraly qandastar.kz habarlady.

Elikbaevtyń sózinshe, elimizdegi kóptegen bloger, vaıner, ázilkeshter 2022 jáne 2023 jyldarǵa salyq tólemegeni týraly habarlama alyp jatyr.

«Mundaı hatty 8 myń adam aldy degen qaýeset bar. Olardyń arasynda blogerler, ázilkeshter, vaınerler, tipti Gennadıı Golovkın de bar. Sonda endi tolyǵymen olardy tabyssyz qaldyrýǵa sheshim shyǵaryldy ma? Árıne eshkimdi aıaı almaımyz. О́ıtkeni  barlyǵymyz áleýmettik jelide qazaqstandyqtardy titirkendiretin ózimizdiń ǵajaıyp ómirimizdi kórsetemiz», — dedi ol óziniń Instagram paraqshasynda.

Onyń aıtýynsha, keıbir blogerler mıllıard teńgege salyq tólemedi dep aıyptalyp otyr.

«Bul rekord jańartý shyǵar. 300-400 mıllıon teńgeden tóleýge mindettelgen blogerler bar. Birneshe dostaryma 100 mıllıon teńgege jýyq kelgen. Endi olar: «salyq tólep, tynysh uıyqtańyzdar» dep aıta bastady. Alaıda bul aıtyp otyrǵan jigitterdiń barlyǵy tóleýge tıis salyǵyn buryn ótegen. Sondyqtan tańǵalyp otyrmyz. Qazir kópshilik salyq komıtetiniń esigin tozdyryp júr. Endi ár tıyn úshin esep berý usynylyp otyr», – dep ashýlandy ol.

Stan.kz jazǵandaı, Elikbaev salyq salýshylar baǵany túsiniksiz túrde, durys emes eseptep salyp jatqanyn alǵa tartty.

«Mıllıard teńge salyq salǵan dosymnyń barlyq bank kartalary boıynsha aınalymdaryn qaraǵan. Jyljymaıtyn múlik pen avtokólik satyp alǵanyn eseptegen. Biraq bul adam osy múlkine qarajatty 2022-2023 jyly emes, odan erterekte taýyp, jınaǵan. Al ol úshin salyqty kezinde tólep te qoıǵan», — dep atap ótti qazaqstandyq.

Bloger kóp jyldar boıy ashyq jumys istegenin jáne barlyq salyqtardy tólegenin alǵa tartty. Biraq sonyń ózine 5 mıllıon teńgege qandaı da bir zań buzýshylyqtar tapqanyn alǵa tartty.

«Munyń sońy jaqsylyqqa ákelmeıdi. Jigitter keıingi jyldary ǵana tabysqa shyǵyp, ol úshin salyq tóleı bastady. Alaıda budan keıin olar qaıta sóne bastaıdy. Bul árkimniń qolma-qol aqsha arqyly tabysty jasyra bastaýyna jáne qara kassalarǵa aýysýyna ákeledi. Osylaısha, salyq bazasy azaıady», – dep túıindedi Álisher Elikbaev.