قازاقستاندىق بلوگەر نەكەسىز تۋعان قىزىنا كولىك پەن پاتەر اپەردى

فوتو: سكرين

قازاقستاندىق كاسىپكەر, بلوگەر دارحان جولشىبەكوۆ نەكەسىز تۋعان قىزىمەن كەزدەسىپ, وعان كولىك سىيلادى, – دەپ حابارلايدى qandastar.kz Massaget.kz تىلشىسىنە سىلتەمە جاساپ.

بلوگەر بۇل تۋرالى الەۋمەتتىك جەلىدەگى پاراقشاسىندا جازدى. ول قىزىنىڭ اناسىنا JAC ماركالى جاڭا كولىك, استانا قالاسىنان پاتەردىڭ كىلتى جانە قىزدىڭ ەمى ءۇشىن قوماقتى قارجى تابىستاعانىن ايتتى.

دارحان جولشىبەكوۆ الەۋمەتتىك جەلىدەگى پاراقشاسىندا جاريالاعان ۆيدەودان بۇلدىرشىنگە اكەسى ويىنشىق سىيلاعانىن دا كورۋگە بولادى.

ەسكە سالايىق, بۇعان دەيىن بلوگەر دارحان جولشىبەكوۆتىڭ نەكەسىز تۋعان بەس جاسار قىزى بار ەكەنى بەلگىلى بولدى. بۇل تۋرالى ءبۇلدىرشىننىڭ اناسى وتاندىق «كورەمىز» باعدارلاماسىنا كەلىپ, جانايقايىن جەتكىزگەن ەدى. ول ءوز سوزىندە قىزىنىڭ سىرقاتى بارىن, ال اكەسى نەبارى 15 مىڭ تەڭگە اليمەنت تولەيتىنىن ايتتى.