Qazaqstandyq bloger nekesiz týǵan qyzyna kólik pen páter áperdi

Foto: skrın

Qazaqstandyq kásipker, bloger Darhan Jolshybekov nekesiz týǵan qyzymen kezdesip, oǵan kólik syılady, – dep habarlaıdy qandastar.kz Massaget.kz tilshisine silteme jasap.

Bloger bul týraly áleýmettik jelidegi paraqshasynda jazdy. Ol qyzynyń anasyna JAC markaly jańa kólik, Astana qalasynan páterdiń kilti jáne qyzdyń emi úshin qomaqty qarjy tabystaǵanyn aıtty.

Darhan Jolshybekov áleýmettik jelidegi paraqshasynda jarııalaǵan vıdeodan búldirshinge ákesi oıynshyq syılaǵanyn da kórýge bolady.

Eske salaıyq, buǵan deıin bloger Darhan Jolshybekovtiń nekesiz týǵan bes jasar qyzy bar ekeni belgili boldy. Bul týraly búldirshinniń anasy otandyq «Kóremiz» baǵdarlamasyna kelip, janaıqaıyn jetkizgen edi. Ol óz sózinde qyzynyń syrqaty baryn, al ákesi nebári 15 myń teńge alıment tóleıtinin aıtty.