قازاقستاندىق بويجەتكەن بەلگىلى بانك قىزمەتكەرلەرىن ينتيمدىك سۋرەتىن تاراتىپ جىبەردى دەپ ايىپتادى

فوتو: rizing.com

قازاقستانداعى ءىرى قارجى ۇيىمدارىنىڭ ءبىرى سانالاتىن بانكتىڭ قىزمەتكەرلەرى تۇتىنۋشىنىڭ ينتيمدىك سۋرەتىن ساقتاپ جۇرگەن, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

اتالعان جاعدايدى قازاقستاندىق Threads جەلىسىندە جازدى. ول ينتيمدىك سۋرەتىن قىزمەتكەرلەردىڭ ساقتاپ جۇرگەنىن بانككە بارعان سوڭ بىلگەن.

«ولار ەشكىمگە جاق اشپاۋىم ءۇشىن 2,3 ميلليون تەڭگە تولەدى. بىراق جەكە دەرەكتەردىڭ تاراپ كەتكەنىن مويىندامادى. ماتەريالداردى باس پروكۋراتۋراعا, كوميتەتكە جانە بۇقارالىق اقپارات قۇرالدارىنا بەردىم. ەندى بانكتىڭ ينتيمدىك سۋرەتىمدى نە سەبەپتى ساقتاپ جۇرگەنىن قازاقستاندىقتارعا قالاي تۇسىندىرەتىنىن كورەيىك», – دەپ جازدى قىز.

اتالعان جاعدايعا بانك تاراپى پىكىر بىلدىرگەن. ولار كليەنت دەرەكتەرىن ەشقاشان تاراتپايتىنىن, دەربەس دەرەكتەر تۋرالى زاڭدى ساقتايتىنىن جەتكىزگەن.

ء«سىزدىڭ بانككە, الەۋمەتتىك جەلىلەر, مەسسەندجەرلەر جانە گيد چاتىنا جولداعان, جەكە سۋرەتتەرىڭىزدىڭ ءتۇسىرىلۋى مەن تارالۋىنا قاتىستى بارلىق وتىنىشتەرىڭىزدى قارادى. قايتا حابارلايمىز: بانك جەكە دەرەكتەردى تەك بانك قىزمەتتەرىن كورسەتۋ جانە شارتتاردى ورىنداۋ ماقساتىندا جينايدى. ءبىز قازاقستان رەسپۋبليكاسىنىڭ «دەربەس دەرەكتەر جانە ولاردى قورعاۋ تۋرالى» زاڭىن قاتاڭ ساقتايمىز. ءبىز زاماناۋي كريپتوگرافيالىق قورعاۋ شارالارىن قولدانامىز. كليەنت دەرەكتەرىن ءۇشىنشى تۇلعالارعا بەرمەيمىز جانە فوتوسۋرەتتەردى ۆيزۋالدى تۇردە ساقتامايمىز. تۇلعانىڭ ۆەكتورلىق بەينەسى عانا پايدالانىلادى. ول تەك كليەنتتى سايكەستەندىرۋ ءۇشىن قولدانىلادى. بۇل دەرەكتەردى جانە سەرۆيستەرگە قولجەتىمدىلىكتى قورعاۋعا ارنالعان ماڭىزدى قاۋىپسىزدىك شاراسى», – دەلىنگەن حابارلامادا.

سونداي-اق بانك كليەنتتىڭ ءوتىنىشى بويىنشا مۇقيات تەكسەرۋ جۇرگىزىلگەنىن مالىمدەدى.

«كوللەكتورلىق ۇيىم قىزمەتكەرلەرىنىڭ ادەپسىز قارىم-قاتىناس جاساعانى راستالدى. قازىر جاعداي رەتتەلدى, سىزگە مورالدىق زيان ءۇشىن وتەماقى تولەندى. ەگەر ءسىز قابىلدانعان شەشىممەن كەلىسپەسەڭىز, سوتقا نەمەسە باسقا دا ۋاكىلەتتى ورگاندارعا جۇگىنۋىڭىزگە بولادى», – دەلىنگەن حابارلامادا.