Qazaqstandyq boıjetken belgili bank qyzmetkerlerin ıntımdik sýretin taratyp jiberdi dep aıyptady

Foto: rizing.com

Qazaqstandaǵy iri qarjy uıymdarynyń biri sanalatyn banktiń qyzmetkerleri tutynýshynyń ıntımdik sýretin saqtap júrgen, dep jazdy qandastar.kz

Bul týraly Stan.kz aqparat agenttigi habarlaıdy.

Atalǵan jaǵdaıdy qazaqstandyq Threads jelisinde jazdy. Ol ıntımdik sýretin qyzmetkerlerdiń saqtap júrgenin bankke barǵan soń bilgen.

«Olar eshkimge jaq ashpaýym úshin 2,3 mıllıon teńge tóledi. Biraq jeke derekterdiń tarap ketkenin moıyndamady. Materıaldardy Bas prokýratýraǵa, Komıtetke jáne Buqaralyq aqparat quraldaryna berdim. Endi banktiń ıntımdik sýretimdi ne sebepti saqtap júrgenin qazaqstandyqtarǵa qalaı túsindiretinin kóreıik», – dep jazdy qyz.

Atalǵan jaǵdaıǵa bank tarapy pikir bildirgen. Olar klıent derekterin eshqashan taratpaıtynyn, derbes derekter týraly zańdy saqtaıtynyn jetkizgen.

«Sizdiń bankke, áleýmettik jeliler, messendjerler jáne Gıd chatyna joldaǵan, jeke sýretterińizdiń túsirilýi men taralýyna qatysty barlyq ótinishterińizdi qarady. Qaıta habarlaımyz: Bank jeke derekterdi tek bank qyzmetterin kórsetý jáne sharttardy oryndaý maqsatynda jınaıdy. Biz Qazaqstan Respýblıkasynyń «Derbes derekter jáne olardy qorǵaý týraly» zańyn qatań saqtaımyz. Biz zamanaýı krıptografııalyq qorǵaý sharalaryn qoldanamyz. Klıent derekterin úshinshi tulǵalarǵa bermeımiz jáne fotosýretterdi vızýaldy túrde saqtamaımyz. Tulǵanyń vektorlyq beınesi ǵana paıdalanylady. Ol tek klıentti sáıkestendirý úshin qoldanylady. Bul derekterdi jáne servısterge qoljetimdilikti qorǵaýǵa arnalǵan mańyzdy qaýipsizdik sharasy», – delingen habarlamada.

Sondaı-aq bank klıenttiń ótinishi boıynsha muqııat tekserý júrgizilgenin málimdedi.

«Kollektorlyq uıym qyzmetkerleriniń ádepsiz qarym-qatynas jasaǵany rastaldy. Qazir jaǵdaı retteldi, sizge moraldyq zııan úshin ótemaqy tólendi. Eger siz qabyldanǵan sheshimmen kelispeseńiz, sotqa nemese basqa da ýákiletti organdarǵa júginýińizge bolady», – delingen habarlamada.