جاڭالىقتار
قازاقستاندىق بوكسشى جانىبەك ءالىمحان ۇلىن بۇكىل اتاعىنان ايىرۋدى ۇسىندى
فوتو: اشىق دەرەككوز
ورتا سالماقتاعى جاڭا زەلانديا بوكسشىسى اندرەي ءميحايلوۆيچتىڭ جاتتىقتىرۋشىسى ايزەك پيچ قازاقستاندىق جانىبەك الىمحان ۇلىمەن جەكپە-جەگىنىڭ بولماۋىنا قاتىستى جاۋاپ بەردى.
ءپيچتىڭ ايتۋىنشا, قارسىلاستار اراسىنداعى تەكەتىرەس لاس-ۆەگاستا شىلدەنىڭ 13-ىنەن 14-نە قاراعان ءتۇنى ءوتۋى كەرەك ەدى, بىراق قازاقستاندىق بوكسشىنىڭ دەنساۋلىعىنا بايلانىستى شارشى الاڭداعى كەزدەسۋ بولماي قالدى, سەبەبى ءالىمحان ۇلى سالماق قۋ كەزىندە اعزاسىنداعى ىلعال ازايىپ, اۋرۋحاناعا جەتكىزىلدى, دەپ حابارلايدى sports.kz جاڭا زەلانديالىق باق-قا سىلتەمە جاساپ.
«اندرەي بۇل جاڭالىققا قاتتى قاپالى. مەنىڭ ويىمشا, جانىبەكتى اتاعىنان ايىرۋ كەرەك جانە ول اتاقتارىنان ايىرىلادى جانە الداعى ەكى ايدا الەم چەمپيونى اتاعى ءۇشىن تارتىسامىز دەپ ويلايمىن. بۇل ءبىزدىڭ جوسپارىمىز. بۇل جەكپە-جەكتە جەڭىسكە جەتۋگە دايىندالۋ ءۇشىن سوڭعى 10-12 اپتانىڭ ىشىندە ءبىز وتە كوپ جۇمىس جاسادىق, سوندىقتان ءبارىمىز دە جابىرقاپ وتىرمىز. ول ءبارىن قۇرتتى, ESPN-گە ارنالعان شوۋ دا قۇرىدى, بۇكىل پروموۋشەن دالاعا كەتتى. بۇل جاعداي مەنى ادبىراتىپ تاستادى. بۇل كاسىبي ەمەس جانە اقىلعا قونىمسىز», – دەدى جاڭا زەلانديالىق بوكسشىنىڭ باپكەرى اندرەي ميحايلوۆيچ.
ەستەرىڭىزگە سالا كەتەيىك, بوكسشىلار WBO جانە IBF نۇسقالارى بويىنشا ورتا سالماقتاعى الەم چەمپيونى اتاعىنا تالاسۋى كەرەك ەدى.
الايدا جۋرناليست جانە Talksport.com سايتىنىڭ ينسايدەرى مايكل بەنسون جەكپە-جەكتىڭ بولمايتىنىن حابارلادى.
«جانىبەك ءالىمحان ۇلىنىڭ اندرەي ميحايلوۆيچكە قارسى جەكپە-جەگى ەرتەڭ تۇندە بولمايدى, ويتكەنى جانىبەك بەيسەنبىگە قاراعان ءتۇنى سالماق تاستاۋ كەزىندە قۇلاپ, اعزاسىنىڭ قاتتى سۋسىزدانۋ سالدارىنان اۋرۋحاناعا ءتۇستى», – دەپ جازدى بەنسون الەۋمەتتىك جەلىدەگى X پاراقشاسىندا.
13 شىلدەگە قاراعان ءتۇنى جانىبەك ءالىمحان ۇلى مەديتسينالىق مەكمەدەن شىعارىلدى. سپورتشىنىڭ ايتۋىنشا, قازىر دەنساۋلىعىنا بايلانىستى بارلىق قيىندىقتار ارتتا قالدى. ال جەكپە-جەك الدىنداعى ادەتتەگى سالماق قۋ ول ءۇشىن وزىندىك سىناق بولدى.
