Jańalyqtar
Qazaqstandyq boksshy Jánibek Álimhanulyn búkil ataǵynan aıyrýdy usyndy
Foto: ashyq derekkóz
Orta salmaqtaǵy Jańa Zelandııa boksshysy Andreı Mıhaılovıchtiń jattyqtyrýshysy Aızek Pıch qazaqstandyq Jánibek Álimhanulymen jekpe-jeginiń bolmaýyna qatysty jaýap berdi.
Pıchtiń aıtýynsha, qarsylastar arasyndaǵy teketires Las-Vegasta shildeniń 13-inen 14-ne qaraǵan túni ótýi kerek edi, biraq qazaqstandyq boksshynyń densaýlyǵyna baılanysty sharshy alańdaǵy kezdesý bolmaı qaldy, sebebi Álimhanuly salmaq qýý kezinde aǵzasyndaǵy ylǵal azaıyp, aýrýhanaǵa jetkizildi, dep habarlaıdy sports.kz Jańa Zelandııalyq BAQ-qa silteme jasap.
«Andreı bul jańalyqqa qatty qapaly. Meniń oıymsha, Jánibekti ataǵynan aıyrý kerek jáne ol ataqtarynan aıyrylady jáne aldaǵy eki aıda álem chempıony ataǵy úshin tartysamyz dep oılaımyn. Bul bizdiń josparymyz. Bul jekpe-jekte jeńiske jetýge daıyndalý úshin sońǵy 10-12 aptanyń ishinde biz óte kóp jumys jasadyq, sondyqtan bárimiz de jabyrqap otyrmyz. Ol bárin qúrtty, ESPN-ge arnalǵan shoý da qurydy, búkil promoýshen dalaǵa ketti. Bul jaǵdaı meni adbyratyp tastady. Bul kásibı emes jáne aqylǵa qonymsyz», – dedi jańa zelandııalyq boksshynyń bapkeri Andreı Mıhaılovıch.
Esterińizge sala keteıik, boksshylar WBO jáne IBF nusqalary boıynsha orta salmaqtaǵy álem chempıony ataǵyna talasýy kerek edi.
Alaıda jýrnalıst jáne Talksport.com saıtynyń ınsaıderi Maıkl Benson jekpe-jektiń bolmaıtynyn habarlady.
«Jánibek Álimhanulynyń Andreı Mıhaılovıchke qarsy jekpe-jegi erteń túnde bolmaıdy, óıtkeni Jánibek beısenbige qaraǵan túni salmaq tastaý kezinde qulap, aǵzasynyń qatty sýsyzdaný saldarynan aýrýhanaǵa tústi», – dep jazdy Benson áleýmettik jelidegi X paraqshasynda.
13 shildege qaraǵan túni Jánibek Álimhanuly medıınalyq mekmeden shyǵaryldy. Sportshynyń aıtýynsha, qazir densaýlyǵyna baılanysty barlyq qıyndyqtar artta qaldy. Al jekpe-jek aldyndaǵy ádettegi salmaq qýý ol úshin ózindik synaq boldy.
