جاڭالىقتار
قازاقستاندىق ديپلوماتتار ماسكەۋدەگى دون زيراتىندا ءاليحان بوكەيحانوۆتى ەسكە الدى
بۇل تۋرالى قازاقستاننىڭ رەسەيدەگى ەلشىلىگىنىڭ ءباسپاسوز قىزمەتى مالىمدەدى.
“قازاقتىڭ كورنەكتى قوعام جانە مەملەكەت قايراتكەرى ءاليحان بوكەيحانوۆتىڭ تۋعان كۇنىنە وراي قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ ديپلوماتتارى ونىڭ دون زيراتىنداعى ستاليندىك قۋعىن-سۇرگىن قۇرباندارى جەرلەنگەن جاپپاي بەيىتكە گۇل شوقتارىن قويدى”, – دەلىنگەن اقپاراتتا.
شاراعا بوكەيحانوۆتىڭ نەمەرە ءىنىسى, ماسكەۋ مەملەكەتتىك تەحنولوگيالىق ۋنيۆەرسيتەتىنىڭ پروفەسسورى نۇرىم بوكەيحانوۆ قاتىسقانى ايتىلادى.
ءاليحان بوكەيحانوۆ – «الاش» ۇلتتىق دەموكراتيالىق پارتياسىنىڭ نەگىزىن قالاۋشى جانە جەتەكشىسى, ساياسي جانە قوعام قايراتكەرى, پەداگوگ, جۋرناليست جانە ەتنوگراف.
1989 جىلى مامىردا كسرو جوعارعى سوتىنىڭ جارلىعىمەن بوكەيحانوۆ قىلمىس قۇرامىنىڭ بولماۋىنا بايلانىستى اقتالدى.
