Qazaqstandyq dıplomattar Máskeýdegi Don zıratynda Álıhan Bókeıhanovty eske aldy

Bul týraly Qazaqstannyń Reseıdegi elshiliginiń baspasóz qyzmeti málimdedi. 

“Qazaqtyń kórnekti qoǵam jáne memleket qaıratkeri Álıhan Bókeıhanovtyń týǵan kúnine oraı Qazaqstan Respýblıkasynyń Reseı Federaııasyndaǵy elshiliginiń dıplomattary onyń Don zıratyndaǵy stalındik qýǵyn-súrgin qurbandary jerlengen jappaı beıitke gúl shoqtaryn qoıdy”, – delingen aqparatta. 

Sharaǵa Bókeıhanovtyń nemere inisi, Máskeý memlekettik tehnologııalyq ýnıversıtetiniń professory Nurym Bókeıhanov qatysqany aıtylady.

Álıhan Bókeıhanov – «Alash» ulttyq demokratııalyq partııasynyń negizin qalaýshy jáne jetekshisi, saıası jáne qoǵam qaıratkeri, pedagog, jýrnalıst jáne etnograf. 

1989 jyly mamyrda KSRO Joǵarǵy sotynyń jarlyǵymen Bókeıhanov qylmys quramynyń bolmaýyna baılanysty aqtaldy.