قازاقستاندىق دزيۋدوشى سپورت مينيسترلىگىنە قارسى سوتتا جەڭدى

فوتو: اشىق دەرەككوز

قازاقستاندىق دزيۋدوشى سپورت مينيسترلىگىنە قارسى سوتتا جەڭىسكە جەتتى, دەپ جازدى qandastar.kz  جوعارعى سوتقا سىلتەمە جاساپ.

اتىراۋ قالاسىنىڭ تۇرعىنى, سپورت شەبەرى تۋريزم جانە سپورت مينيسترلىگىنە 2021 جىلى دزيۋدودان ليسسابون قالاسىندا (پورتۋگاليا), 2023 جىلى استانا قالاسىندا وتكەن سامبودان ازيا جانە وكەانيا چەمپيوناتىندا, ورالدا سامبودان شەبەرلەر اراسىندا الەم چەمپيوناتىندا, ابۋ-دابيدە ء(باا) دزيۋدودان الەم چەمپيوناتىندا جۇلدەلى ورىنداردى جەڭىپ العانى ءۇشىن كوتەرمەلەۋ تولەمى تۋرالى ءوتىنىش بىلدىرگەن.

ول مينيسترلىكتىڭ باس تارتۋىنا سپورت ارداگەرلەرىنە تولەمدى كوزدەمەيتىن ۋاكىلەتتى ورگاننىڭ ەرەجەلەرىنە سىلتەمە جاساپ شاعىمداندى.

ءمااس ءىستى زەرتتەي كەلە, مىنانى اتاپ ءوتتى:

ەرەجەگە سايكەس, ءاربىر العان ورىنى ءۇشىن, حالىقارالىق جارىستاردىڭ ءاربىر چەمپيونى مەن جۇلدەگەرىنە, جەكە سپورت تۇرلەرى بويىنشا ۇلتتىق قۇراما مۇشەلەرىنە 100 پايىز اقشالاي ىنتالاندىرۋ تولەنەدى.

ال حالىقارالىق جارىستاردىڭ جەڭىمپازدارى – سپورت ارداگەرلەرىنە كوتەرمەلەۋ تولەۋگە تىكەلەي تىيىمدار جوق.

تالاپ قويۋشى قازاقستان رەسپۋبليكاسىنىڭ اتىنان شىعىپ, باسقا ەلدەردىڭ سپورتشىلارىمەن بىرگە جارىسقا قاتىسىپ, قاتىسۋشى-ەلدەردىڭ جالپى مەدالدىق ەسەبىندە ەسەپكە الىنعان جۇلدەلى ورىندارعا يە بولعان.

مىسالى, ورالدا سامبودان وتكەن الەم چەمپيوناتىنا الەمنىڭ 20-دان استام ەلىنەن 550-دەن استام سپورتشى قاتىسقان.

مينيسترلىك سەنىم ءبىلدىرۋ قۇقىعىن قورعاۋ قاعيداتىن بۇزعان (ارپك-ءنىڭ 13-بابى), بۇل اكىمشىلىك ورگاننىڭ زاڭسىز ارەكەتتەرىنەن اكىمشىلىك راسىمگە قاتىسۋشى ءۇشىن اۋىر زارداپتارعا جول بەرىلمەيتىندىگىن كورسەتەدى.

وسىعان بايلانىستى سپورت شەبەرىنىڭ تالاپ قويۋى قاناعاتتاندىرىلدى: سوت مينيسترلىكتى الەم چەمپيوناتىندا جۇلدە العانى ءۇشىن اقشالاي ىنتالاندىرۋ تولەۋگە مىندەتتەدى.

سوت شەشىمى زاڭدى كۇشىنە ەنگەن جوق