Qazaqstandyq dzıýdoshy Sport mınıstrligine qarsy sotta jeńdi

Foto: ashyq derekkóz

Qazaqstandyq dzıýdoshy Sport mınıstrligine qarsy sotta jeńiske jetti, dep jazdy qandastar.kz  Joǵarǵy Sotqa silteme jasap.

Atyraý qalasynyń turǵyny, sport sheberi Týrızm jáne sport mınıstrligine 2021 jyly dzıýdodan Lıssabon qalasynda (Portýgalııa), 2023 jyly Astana qalasynda ótken sambodan Azııa jáne Okeanııa chempıonatynda, Oralda sambodan sheberler arasynda álem chempıonatynda, Abý-Dabıde (BAÁ) dzıýdodan álem chempıonatynda júldeli oryndardy jeńip alǵany úshin kótermeleý tólemi týraly ótinish bildirgen.

Ol Mınıstrliktiń bas tartýyna sport ardagerlerine tólemdi kózdemeıtin ýákiletti organnyń Erejelerine silteme jasap shaǵymdandy.

MAÁS isti zertteı kele, mynany atap ótti:

Erejege sáıkes, árbir alǵan oryny úshin, halyqaralyq jarystardyń árbir chempıony men júldegerine, jeke sport túrleri boıynsha ulttyq qurama múshelerine 100 paıyz aqshalaı yntalandyrý tólenedi.

Al halyqaralyq jarystardyń jeńimpazdary – sport ardagerlerine kótermeleý tóleýge tikeleı tyıymdar joq.

Talap qoıýshy Qazaqstan Respýblıkasynyń atynan shyǵyp, basqa elderdiń sportshylarymen birge jarysqa qatysyp, qatysýshy-elderdiń jalpy medaldyq esebinde esepke alynǵan júldeli oryndarǵa ıe bolǵan.

Mysaly, Oralda sambodan ótken álem chempıonatyna álemniń 20-dan astam elinen 550-den astam sportshy qatysqan.

Mınıstrlik senim bildirý quqyǵyn qorǵaý qaǵıdatyn buzǵan (ÁRPK-niń 13-baby), bul ákimshilik organnyń zańsyz áreketterinen ákimshilik rásimge qatysýshy úshin aýyr zardaptarǵa jol berilmeıtindigin kórsetedi.

Osyǵan baılanysty sport sheberiniń talap qoıýy qanaǵattandyryldy: sot Mınıstrlikti álem chempıonatynda júlde alǵany úshin aqshalaı yntalandyrý tóleýge mindettedi.

Sot sheshimi zańdy kúshine engen joq