Qazaqstandyq eki karateshi alǵash ret Grand Winner júldesin ıelendi

Marokko astanasy Rabatta karateden (WKF) jyldyń qorytyndysy Premer-lıga sanatyndaǵy týrnıri aıaqtaldy, dep habarlaıdy Qandastar.kz aqparat portaly.

Bıylǵy 4 jarystyń nátıjesinde óz salmaǵyndaǵy reıtıngte kóp upaı jınaǵan otandasymyz Móldir Jańbyrbaı (-50 kg) men Ásel Qanaı (-61 kg) úzdik sportshyǵa beriletin Grand Winner nomınaııasyna ıe boldy.

Aıta keteıik, osyǵan deıin Ulttyq quramanyń 2 sportshysy qatar mundaı marapatqa ıe bolmaǵan. Móldir Jańbyrbaı byltyr tuńǵysh bolyp 50 kg deıingi salmaqta Grand Winner atanǵan. Ol — osy syılyqty 2 márte ıelengen alǵashqy karate sheberimiz.

Móldir bıyl Parıj qalasynda ótken alǵashqy Premer-lıga básekesinde qola, Hanchjoýda kúmis, Kaırde altyn medal jeńip alǵan. Ásel Parıj ben Kaırde kúmis, Hanchjoýda qola medal oljalaǵan.

Sonymen qatar bıyl osy ataqtan Tokıo Olımpıadasynyń qola júldegeri Sofıa Berýleva da úmitti bolǵan. Alaıda komanda kóshbasshysy Rabatta toptyq kezeńnen shyǵa almaı, upaı sany jaǵynan qarsylasyn qýyp jete almady.