Qazaqstandyq Elbrýs shyńynyń eń bıik núktesine shyǵyp “Adaı” kúıin shertti

Foto: vıdeodan kadr

Qazaqstandyq dombyrashy Álibek Qaıyrbek Eýropanyń eń bıik shyńy Elbrýsta dombyramen «Adaı» kúıin shertti. Bul týraly qandastar.kz Stan.kz-ke silteme jasap habarlaıdy.

26 jastaǵy astanalyq mýzykanttyń aıtýynsha, Elbrýs shyńyna bir aptada kóterilgen. Al daıyndyq alty aıǵa sozylypty.

Álibek – mýzykant, biraq mýzykadan bólek, taýǵa shyqqandy unatady. Qazaqstandyq Elbrýs shyńyna kóterilgen komandada 15 alpınıst bolǵanyn aıtty.

«Al dombyraǵa kelsek, ol jeńil. Sol sebepti kez kelgen jaǵdaıda zaqymdanýy múmkin. Sondyqtan synyp qalmas úshin ony kádimgi oramalmen orap aldym. Syrtynan qaptaǵanǵa jumsaǵyraq materıal aldym. Tómenge qaraı qulap ketpeýge tyrystym. Dombyra zaqymdanǵan joq”, – dedi dombyrashy.

Orystyń uly enıklopedııasyna sáıkes, Elbrýs – Eýropa men Reseıdegi eń bıik taý jotasy. Kabardın-Balqar jáne Qarashaı-Cherkes respýblıkalarynyń shekarasynda, Úlken Kavkazdyń búıirlik jotasynda ornalasqan. Elbrýs 23 muzdyqtan turatyn muz keshenimen jabylǵan.

Eske salaıyq, Qazaqstandyq alpınıster komandasy Kazakh Everest Team sporttyq-patrıottyq ekspedıııasy aıasynda Everest shyńyna shyǵýdy josparlaǵan edi.