الەم جاڭالىقتارىجاڭالىقتار
قازاقستاندىق ەڭ قىمبات فۋتبولشىنىڭ ءبىرى مانسابىن اياقتاۋى مۇمكىن
فوتو:قفف
قازاقستان قۇراماسى مەن تۇركيانىڭ «بەشيكتاش» كلۋبىنىڭ جارتىلاي قورعاۋشىسى باقتيەر زاينۋتدينوۆتىڭ الاڭعا شىقپاعانىنا 2,5 اي بولدى, دەپ جازادى qandastar.kz
Skifnews.kzاقپارات پورتالى حابارلاعانداي, الەۋمەتتىك جەلىلەردە «ۇزاققا سوزىلعان جاراقات باحتيەردىڭ مانسابىن اياقتاۋىنا نەگىز بولادى» دەگەن سىڭايداعى اقپاراتتار شىعىپ جاتىر. بۇعان – تۇرىك ءجۋرناليسى سەركان ديكمەنىڭ پىكىرى سەبەپ. ول قازاقستاندىق ويىنشىنىڭ ءسىڭىر ايماعىندا ءىسىنۋ بايقالعانى جونىندە ايتقان ەدى. نەگىزىنەن جاراقاتتىڭ سيپاتى مەن قالپىنا كەلتىرۋ مەرزىمى ءالى تەكسەرىلەدى. سوندىقتان, كارەراسىنا اسەرى مۇمكىن ماسەلەلەر بار.
بۇعان دەيىن باحتيەر زاينۋتدينوۆ فۋتبولدان قازاقستان قۇراماسىنىڭ 2026 جىلعى الەم چەمپيوناتى ىرىكتەۋ كەزەڭىندەگى ناۋرىزدا وتكەن ەكى ويىننىڭ دايىندىعىنا كەلگەن بولاتىن. بىراق, ۇلتتىق قۇراما دارىگەرلەرىنىڭ تەكسەرۋىنەن كەيىن ول وقۋ-جاتتىعۋ جيىنىنا قاتىسپادى.
«دارىگەرلەر تەكسەرۋىنەن كەيىن باحتيەردىڭ جاراقاتى بار ەكەنى انىقتالدى. سوندىقتان دايىندىققا قاتىسپادى. ال مانسابى اياقتاۋ جونىندە بىزگە ەشقانداي اقپارات كەلىپ تۇسكەن جوق», – دەپ حابارلادى قازاقستان فۋتبول فەدەراتسياسىنىڭ ءباسپاسوز حاتشىسى سەيىل قوجاتاي.
ەسكە سالايىق, باحتيەر زاينۋتدينوۆ 1998 جىلدىڭ 2 ساۋىرىندە تۋعان. مانسابىندا قازاقستاندىق «تاراز», «استانا» فۋتبول كلۋبتارىندا, رەسەيدىڭ «روستوۆ» جانە تسسكا كوماندالارىندا وينادى. ال ىستانبۇلدىق كلۋبپەن 2023 جىلدىڭ 18 تامىزىندا كەلىسىمشارتقا قول قويدى. ول 2027 جىلدىڭ 30 ماۋسىمىنا دەيىن تۇركيالىق كلۋبتا دوپ تەبەدى.
