Qazaqstandyq eń qymbat fýtbolshynyń biri mansabyn aıaqtaýy múmkin

Foto:QFF

Qazaqstan quramasy men Túrkııanyń «Beshıktash» klýbynyń jartylaı qorǵaýshysy Baqtıer Zaınýtdınovtyń alańǵa shyqpaǵanyna 2,5 aı boldy, dep jazady qandastar.kz

Skifnews.kzaqparat portaly habarlaǵandaı, áleýmettik jelilerde «uzaqqa sozylǵan jaraqat Bahtıerdiń mansabyn aıaqtaýyna negiz bolady» degen syńaıdaǵy aqparattar shyǵyp jatyr. Buǵan – túrik jýrnalısi Serkan Dıkmeniń pikiri sebep. Ol qazaqstandyq oıynshynyń sińir aımaǵynda isiný baıqalǵany jóninde aıtqan edi. Negizinen jaraqattyń sıpaty men qalpyna keltirý merzimi áli tekseriledi. Sondyqtan, karerasyna áseri múmkin máseleler bar.

Buǵan deıin Bahtıer Zaınýtdıınov fýtboldan Qazaqstan quramasynyń 2026 jylǵy álem chempıonaty irikteý kezeńindegi naýryzda ótken eki oıynnyń daıyndyǵyna kelgen bolatyn. Biraq, Ulttyq qurama dárigerleriniń tekserýinen keıin ol oqý-jattyǵý jıynyna qatyspady.

«Dárigerler tekserýinen keıin Bahtıerdiń jaraqaty bar ekeni anyqtaldy. Sondyqtan daıyndyqqa qatyspady. Al mansaby aıaqtaý jóninde bizge eshqandaı aqparat kelip túsken joq», – dep habarlady Qazaqstan fýtbol federaııasynyń baspasóz hatshysy Seıil Qojataı.

Eske salaıyq, Bahtıer Zaınýtdınov 1998 jyldyń 2 sáýirinde týǵan. Mansabynda qazaqstandyq «Taraz», «Astana» fýtbol klýbtarynda, Reseıdiń «Rostov» jáne SKA komandalarynda oınady. Al ystanbuldyq klýbpen 2023 jyldyń 18 tamyzynda kelisimshartqa qol qoıdy. Ol 2027 jyldyń 30 maýsymyna deıin túrkııalyq klýbta dop tebedi.