الەم جاڭالىقتارى
قازاقستاندىق ەۋروپالىق Oktagon تۇجىرىمىندا جەڭىسكە جەتتى
فوتو: UFC
قازاقستاندىق ارالاس جەكپە-جەك شەبەرى جالعاس جۇماعۇلوۆ ەۋروپالىق Oktagon تۇجىرىمىنداعى العاشقى جەكپە-جەگىن وتكىزدى. بۇل تۋرالى qandastar.kz اقپارات اگەنتتىگى حابارلايدى.
UFC تۇجىرىمىنىڭ ەكس-سپورتشىسى جالعاس جۇماعۇلوۆ ەۋروپالىق Oktagon تۇجىرىمىنداعى دەبيۋتتى جەكپە-جەگىن وتكىزىپ, جارقىن جەڭىسكە جەتتى. اسا جەڭىل سالماقتا جۇدىرىقتاساتىن وتانداسىمىز سلوۆاكيادا وتكەن Oktagon 63 ءتۋرنيرىنىڭ باستى كاردىندا اارون ەبيگە قارسى جۇدىرىقتاسىپ, تورەشىلەردىڭ ءبىراۋىزدان شەشىمى بويىنشا جەڭدى. ءسويتىپ وتانداسىمىز ەۋروپالىق تۇجىرىمنىڭ چەمپيوندىق بەلبەۋىنە تالاساتىن باستى ۇمىتكەرلەردىڭ ءبىرى بولدى. ويتكەنى اارون رەيتينگتە 3-ورىندا تۇرعان ەدى.
ايتا كەتەيىك, جالعاس جۇماعۇلوۆ بۇعان دەيىنگى جەكپە-جەگىن Naiza FC 57 تۋرنيرىندە وتكىزىپ, امەريكالىق سپورتشى كليۆلەند ماكليندى تورەشىلەردىڭ شەشىمىمەن جەڭگەن ەدى.
