Qazaqstandyq farmaevtıkalyq kompanııalarda dári-dármek baǵasy tómendemek

Foto: skorex.su

Densaýlyq saqtaý mınıstri Aqmaral Álnazarova qazaqstandyq farmaevtıkalyq kompanııalardy áleýmettik jaýapkershilikke jáne dári-dármek baǵasyn tómendetýge shaqyrdy. Bul týraly Stan.kz aqparat agenttigi habarlaıdy.

Álnazarova qazaqstandyq farmaevtıkalyq kompanııalardyń jáne iri dıstrıbıýtorlardyń ókilderimen kezdesý ótkizdi. Jıynda 2025 jylǵa arnalǵan dárilik zattar men medıınalyq maqsattaǵy buıymdardy satyp alý máseleleri talqylandy.

«Satyp alý naýqanyn bastamas buryn, óndirýshi belgilegen dárilik zattardyń baǵasy qolaıly jáne qoljetimdi ekenine kóz jetkizý kerek. Bul rette jergilikti dıstrıbıýtorlardyń baǵasy regressıvti ústemeler sheginde qalýy kerek», – dedi mınıstr.

Memlekettik bıýdjet esebinen dári-dármek satyp alý jáne saqtaý jónindegi biryńǵaı operator «SQ-Farmaııa» JShS málimeti boıynsha, qazaqstandyq óndirýshilermen tender jáne uzaq merzimdi kelisimsharttar arqyly satyp alý úlesi 88 paıyz boldy. 2023 jyly kásiporyn 21,5 mıllıard teńgege jýyq qarjyny únemdese, bıyl 50 mıllıard teńge únemdegen.

Degenmen, generıkalyq nemese bıosımılıarlyq preparattardyń baǵasy bastapqy preparattardyń qunynan joǵary bolatyn jaǵdaılar bar.

«Satyp alýdaǵy otandyq ónimniń úlesin arttyrý úshin 10 jylǵa deıin uzaq merzimdi kelisimsharttar jasasýǵa qoldaý kórsetý sharasy qarastyrylǵan. Degenmen, barlyq óndirýshiler men dıstrıbıýtorlar jeńildikter bermeıdi», – dedi mınıstr.

Álnazarova farmaevtıkalyq kompanııalardy «baǵany tómendetýdi qaıta qaraýǵa» shaqyrdy.

Aıta keteıik, buǵan deıin Sybaılas jemqorlyqqa qarsy is-qımyl agenttigi 6,7 mıllıard teńgeniń sybaılas jemqorlyq táýekelderin anyqtady. Sondaı-aq «SQ-Farmaııa» JShS qyzmetinde karteldik sóz baılasý belgilerin anyqtaǵanyn habarlaǵan.

Agenttik málimetinshe, kompanııa eń joǵary baǵa boıynsha tenderlerdi utyp alyp, qazaqstandyq kompanııalarǵa qolǵaptar, shprıter men ıod óndirýdiń ornyna shetelden ákelýge kómektesken.

Sondaı-aq Densaýlyq saqtaý mınıstrligine qarasty taǵy úsh uıymnyń qyzmetinde zań buzýshylyqtar anyqtaldy. Sodan keıin tórt uıymnyń basshylary da qyzmetinen bosatyldy.