Qazaqstandyq fotograf Beısen Quranbektiń sýretin kitapqa ruqsatsyz shyǵarǵandardan 55 mıllıon teńge talap etti

Foto: Jeńis Ysqabaıdyń Instagram paraqshasynan

Qazaqstandyq fotograf Jeńis Ysqabaı avtorlyq quqyqty buzǵany úshin «Otbasy hrestomatııasy» qoǵamdyq qorynan 55,3 mıllıon teńge talap etti. Ol ózi túsirgen Beısen Quranbektiń fotosyn ruqsatsyz kitapqa basyp shyǵarǵanyna narazy. Al kitapty shyǵarýǵa qatysqandardyń biri – depýtat Abzal Quspan. Bul týraly qandastar.kz   Stan.kz aqparat agenttigine silteme jasap habarlaıdy.

Qor Jeńis Ysqabaı 2014 jyly túsirgen portretti «Beısen jáne bolmys» kitabynyń muqabasyna qoıyp, onyń kóshirmesin áleýmettik jeliler men otbasy.com saıtyna ornalastyrǵan. Kitap ázirleýshileri sýrettiń avtoryn kórsetpegen, paıdalanýǵa ruqsat ta suralmaǵan eken. Kitap alǵash ret 2021 jyly jaryq kórip, árqaısysy úsh myń teńgeden satylǵan.

Jeńis Ysqabaıdyń aıtýynsha, kitap bestsellerge aınalyp, bir jyldan keıin taǵy 1500 danasy qaıta shyǵarylǵan. Osydan keıin shyǵarma mezgil-mezgil shyǵarylyp otyrǵan. Ideıanyń avtory jáne osy kitapty jasaýǵa shabyttandyrýshy — májilis depýtaty Abzal Quspan. Fotograftyń aıtýynsha, oǵan jeke shaǵymdar joq, tek ádildikti qalpyna keltirýdi talap etedi.

Al jaýapkerdiń ókili fotograftyń dálelderin tolyq moıyndamady. Bul kitaptardy basyp shyǵarǵan baspahananyń qatesin alǵa tartty.

«Kitapta menen basqa kitap jasaýǵa qatysqan barlyq avtorlar týraly jazylǵan. Árıne, mundaı jumystyń paıda bolǵany qýantady. Biraq nege meniń de jumysym bar bolsa, ol aıtylmaǵan? Aldymen eskertýler jasap júrdim, keıin shyqqan basylymdarda da meniń avtorlyǵym joq ekenin bildim», – dedi fotograf.

Marqum Beısen Quranbektiń jubaıy da fotonyń Jeńis Ysqabaıǵa tıesili ekenin rastady. Biraq mundaı daý týyndaýy múmkin dep oılamapty. О́ıtkeni shyǵarma kúıeýin eske alýǵa arnalǵan.

Sot sheshim shyǵaryp, jeńis Ysqabaıdyń quqyqtary shynymen de buzyldy degen qorytyndyǵa keldi. Biraq jaýapkerler bul kitapty Beısen Quranbekti eske alý úshin jasaǵanyn eskerip, (kitaptyń avtory onyń dosy — Sanjar Kerimbaı) fotografqa ol sotta kórsetken 55,3 mıllıon teńgeniń ornyna 500 AEK (1 846 000 teńge) tóleý týraly qaýly shyǵardy.

«Jeńis Ysqabaıdyń talaby ishinara qanaǵattandyrylsyn. Buzylǵan avtorlyq quqyq úshin «Otbasy hrestomatııasy» qoǵamdyq qorynan 500 AEK ótemaqy óndirip alynsyn. Jeńis Ysqabaıdyń buzylǵan avtorlyq quqyǵy qalpyna keltirilsin. «Otbasy hrestomatııasy» qoǵamdyq qorynan ókildiń qyzmetterine aqy tóleý jónindegi shyǵyndar 505 050 teńge mólsherinde, notarıýstyń qyzmetterine aqy tóleý jónindegi shyǵyndar 102 564 teńge mólsherinde óndirip alynsyn. Jeńis Jumalyuly Ysqabaevtyń talap aryzynyń qalǵan bóligin qanaǵattandyrýdan bas tartylady», – delingen sot sheshiminde.