Qazaqstandyq ishki aǵzalaryn 15 mıllıon teńgege satpaq bolǵan

Aqtóbe oblysy prokýratýrasy adamnyń ishki aǵzalaryn zańsyz satý áreketin anyqtady. Bul týraly qandastar.kz saıty quzyrly organnyń baspasóz qyzmetine silteme jasap habarlaıdy.

Oblystyq prokýrorlar bul zańsyz áreketti áleýmettik jelige ornalastyrylǵan jarııalanymdarǵa monıtorıng júrgizý barysynda anyqtaǵan.

“Aqtóbe qalasy turǵyndarynyń biri óziniń ishki aǵzalaryn satý boıynsha yqtımal zańsyz mámile jasamaq bolǵany týraly aqparat alyndy”, – delingen habarlamada.

Alynǵan málimetter negizinde oblystyq polıııa departamenti ókilderi jedel-izdestirý is-sharalaryn júrgizgen. Nátıjesinde 30 sáýirde Uıymdasqan qylmysqa qarsy kúres basqarmasynyń qyzmetkerleri jalpy sommasy 15 mln teńgege adamnyń ishki aǵzalaryn satý boıynsha zańsyz mámile jasamaq bolǵan kúdiktini ustaǵan.

“Bul derek boıynsha Qylmystyq kodekstiń 116-babynyń 1-bóligimen (Adamnyń aǵzalary men tinderin alyp qoıýǵa májbúrleý nemese zańsyz alyp qoıý) sotqa deıingi tergep-tekserý bastaldy”, – dep málimdedi vedomstvo ókilderi.

Qazir bul derek boıynsha tergeý amaldary júrgizilip jatyr.