قازاقستاندىق كاراتەشىلەر ازيا چەمپيوناتىندا 4 التىن جەڭىپ الدى

وزبەكستان استاناسى تاشكەنت قالاسىندا كاراتەدەن ءوتىپ جاتقان ازيا چەمپيوناتىندا قازاقستاندىق سپورتشىلار توپ جاردى, دەپ حابارلايدى Qandastar.kz اقپاراتتىق پورتالى.

سپورتتى دامىتۋ ديرەكتسياسىنىڭ ءباسپاسوز قىزمەتىنەن ءمالىم ەتكەنىندەي, الدىمەن جولامان بيعابىل كۋميتە باعدارلاماسىندا 55 كەلىگە دەيىنگى سالماقتا فينالدا جارىس قوجايىنى سوبيتحون قوسيموۆتى تىزە بۇكتىردى.

ەرەسەكتەر اراسىندا العاش رەت قۇرلىقتىق دوداعا قاتىسىپ جاتقان دايانا دارەنسكايا 68 كەلىگە دەيىنگى سالماقتا سوڭعى باسەكەدە جاپون سپورتشىسى كاما تسۋباسانى جەڭدى.

بۇدان كەيىن تاتاميگە شىققان الەم چەمپيوناتىنىڭ قولا جۇلدەگەرى نۇرقانات اجىقانوۆ (-75 كگ) يراندىق قارسىلاسىنا ەش مۇمكىندىك بەرگەن جوق. وسىلايشا, نۇرقانات ازيا بىرىنشىلىگىندە قاتارىنان ءۇش رەت جەڭىمپاز اتاندى. ال توكيو وليمپياداسىنىڭ قولا جۇلدەگەرى سوفيا بەرۋلتسەۆا (+68 كگ) فينالدا تاعى ءبىر جاپون كاراتەشىسى سۋميرە سۋگيتانى جەڭدى.

ەندى قازاقستان ايەلدەر كومانداسى اقتىق سىندا التىن ءۇشىن تالاسادى.

ەرلەر قۇراماسى قولا جۇلدە ءۇشىن باسەكەدە ساۋد ارابياسى وكىلدەرىن 3:2 ەسەبىمەن جەڭدى. ەل نامىسىن ديدار ءامىرالى, نۇرقانات اجىقانوۆ, ءابىلمانسۇر باتىرعالي, شىڭعىس تايليەۆ, نيكيتا تارناكين, دانيار يۋلداشەۆ, عالىم اسىلحان جانە دياس اناربەكوۆ قورعادى. سونداي-اق الەم چەمپيونى ءمولدىر جاڭبىرباي تاعى ءبىر قولا جۇلدەگە قول جەتكىزدى.