جاڭالىقتار
قازاقستاندىق كاسىپكەر دجەي لوعا قازاق كامزولىن كيگىزدى
2025 جىلدىڭ 1 تامىزىندا استاناعا گاسترولدىك ساپارمەن كەلگەن امەريكالىق جۇلدىز دجەننيفەر لوپەسكە وتاندىق كاسىپكەر دىنمۇحاممەد سىزدىقوۆ ۇلتتىق كامزول سىيلادى, دەپ حابارلايدى Qandastar.kz
بۇل ەرەكشە ءسات جايلى كاسىپكەر 4 تامىز كۇنى Instagram پاراقشاسىندا ءبولىستى.
سىزدىقوۆ دجەي لومەن بىرگە تۇسكەن سۋرەتىن جاريالاپ, سىيلىقتىڭ اۆتورىنا العىس ءبىلدىردى.
«دجەننيفەرگە كامزول كيگىزىپ, ۇلكەن ارمانىم ورىندالدى. بۇل قولونەر تۋىندىسىن ازىرلەگەن ديزاينەر ەلميرا يبراگيموۆاعا العىسىم شەكسىز! شىن كوڭىلمەن جاسالعان كامزول دجەي لوعا وتە ۇنادى,» – دەپ جازدى ول.
ايتا كەتەيىك, كاسىپكەر الەۋمەتتىك جەلىدەگى پاراقشاسىندا ءوز كاسىبىن ەرەكشە تۇردە سيپاتتاعان.
«مەن اتاقتى ادامدارعا شاپان سىيلايمىن», — دەدى كاسىپكەر.
