Qazaqstandyq kelinshek durys ota jasalmaǵany úshin aýrýhanadan 2 mıllıon teńge óndirip aldy

Foto: depositphotos.som

Qyzylordalyq sot qala turǵynynyń sút bezine durys emes ota jasatqan aýrýhanaǵa qatysty azamattyq talap aryzyn qarady.

Mammolog dáriger Qyzylorda turǵynyna «sol jaq sút beziniń fıbroadenomasy» dıagnozyn qoıyp, turǵylyqty jeri boıynsha jedel em qabyldaýdy usyndy. Áıelge aýrýhanaǵa josparly túrde jatqyzýǵa joldama berildi, onda oǵan birden ota jasaldy. Emdeýden keıin áıeldiń jaǵdaıy nasharlady. Ol Qyzylorda oblysy boıynsha medıınalyq jáne farmaevtıkalyq baqylaý komıtetiniń departamentine shaǵymdandy, osyǵan baılanysty aýrýhanada jospardan tys tekserý bastaldy.

Tekserý dıagnostıka men emdeýdiń klınıkalyq hattamalary saqtalmaǵanyn anyqtady. Oǵan qosa, hırýrg operaııany onkologtyń sertıfıkatynsyz jasady. Aýrýhananyń memlekettik lıenzııasynda onkologııalyq kómek kórsetý týraly qosymsha bolmaǵan. Hırýrg-dáriger men aýrýhana zańgerine ákimshilik aıyppul salyndy.

Osydan keıin, áıel Qyzylorda qalalyq sotyna moraldyq shyǵyn óndirý týraly shaǵym túsirgen. Ol operaııa kezinde isikpen tómengi bóligi emes, sol jaq sút beziniń joǵarǵy jaǵy kesilgenin kórsetti. Qaıtalap ýltradybystyq zertteýde isik joıylmaǵany anyqtaldy. Dáriger nemquraılylyq tanytqan, sonyń saldarynan aýrýy asqynyp, psıhıkalyq jáne fızıkalyq azapqa ushyraǵan.

– Qyzylorda qalalyq soty talapty qanaǵattandyryp, aýrýhanadan talapkerdiń paıdasyna 2 000 000 teńge kóleminde moraldyq zııandy óndirip alý týraly sheshim shyǵardy. Aýrýhana sheshimmen kelispedi jáne apellıaııalyq shaǵymmen oblystyq sottyń azamattyq ister jónindegi sot alqasyna júgindi. Istiń barlyq mán – jaılaryn zerdelegennen keıin sot alqasy birinshi satydaǵy sottyń sheshimin ózgerissiz, apellıaııalyq shaǵymdy qanaǵattandyrmaı qaldyrdy, –dep habarlady sot ókilderi.