Qazaqstandyq kompanııa umraǵa aparamyn dep júzdegen adamdy aldaǵan

Foto: ashyq derekkóz

Qazaqstan musylmandary Dinı basqarmasy umraǵa alyp baramyn dep júzden asa adamdy aldap ketken kompanııaǵa qatysty túsinikteme berdi, dep jazdy qandastar.kz

Buǵan deıin BAQ-ta Yryskeldi Meıirjan esimdi naıb ımam 180 adamdy qajylyqqa aparamyn dep aldap ketkeni jaıly aqparat tarady. Alaıda QMDB onyń ımam ekenin joqqa shyǵardy.

«Yryskeldi Meıirjan Baýyruly elimizdiń birneshe aımaǵynan júzden asa azamatty umraǵa alyp baramyn dep aqsha jınap, ýádesin oryndaı almaǵan. Meıirjan Baýyruly eshqandaı dinı qyzmet atqarmaǵan jáne meshitte naıb ımam bolyp jumys istemeıdi», – dedi Dinı basqarmasynda.

Almaty oblysynyń Ile aýdanyndaǵy «Sábdenuly О́tegen batyr» meshitiniń naıb ımamy Yryskeldi Meıirjanǵa umra saparyna nıet etken jandarǵa dáris ótkizýge kómektesken.

«Almaty oblysynyń Ile aýdanyndaǵy «Sábdenuly О́tegen batyr» meshitiniń naıb ımamy Tamashbekov Marselge Meıirjan Baýyruly umra saparyna nıet etken jandarǵa dáris ótip berý jóninde ótinish jasaǵan. Naıb ımam dinı qulshylyqty túsindirý maqsatynda ótinishterin qabyl alyp, eki ret sabaq ótkizgen. Dáris sońy suraq-jaýap negizinde jalǵasyp, naıb ımam sol kompanııa qyzmeti jaıly bilgen aqparattarymen de bólisken», – dedi QMDB túsiniktemesinde.

«Jazera travel» kompanııasyna qatysty daýly másele quqyq qorǵaý organdary tarapynan tekserilip jatyr. Naıb ımamnyń atalmysh máselege qatysy bar-joǵy anyqtalyp jatyr.

Sońǵy kezde qoǵamda umra saparyn uıymdastyrýshy keıbir týrfırmalardyń kúmándi is-áreketterine qatysty shaǵymdar kóbeıip ketti.

«Osy oraıda umraǵa baratyn azamattarǵa qyzmet kórsetý, olardyń qaýipsizdigin qamtamasyz etý atalmysh týrfırmalar jaýapkershiliginde ekenin eske salamyz. QR syrtqy týrızmdi retteıtin tıisti zańnamasyna saı umra saparyn toppen uıymdastyrý úshin mindetti túrde memlekettik lıenzııasy bolýy tıis jáne ár umra jasaýshyǵa týroperator tarapynan týrkod berilýi qajet. Mundaı talaptar oryndalmaǵan jaǵdaıda umrany toppen uıymdastyrý QR zańdaryna qaıshy. Osy rette umraǵa aparýshy týrfırmalardyń qyzmetin qadaǵalaýǵa Dinı basqarmanyń zańdy quzireti joq ekendigin jetkizemiz», – Qazaqstan musylmandary Dinı basqarmasy.

QMDB qazaqstandyqtardy resmı týroperatorlyq lıenzııasy joq týrkompanııalarmen umra saparyna barmaýǵa shaqyrdy.