قازاقستاندىق كومپانيا جاپونيانىڭ سانكتسياسىنا ىلىكتى

فوتو:

قازاقستاندىق كومپانيا جاپونيانىڭ سانكتسياسىنا ىلىكتى, دەپ جازدى qandastar.kz

جاپونيا ۇكىمەتى رەسەيگە قارسى قوسىمشا سانكتسيالار ەنگىزدى. ارنايى كولىك قۇرالدارىنا ارنالعان قوزعالتقىش بولشەكتەرىن قوسا العاندا 335 پوزيتسيانى ەكسپورتتاۋعا تىيىم سالىندى. بۇدان باسقا حيميالىق قارۋدىڭ وندىرىسىمەن بايلانىستى حيميالىق زاتتارعا دا ەمبارگو جاريالاندى.

شەكتەۋلەر 23 قاڭتاردان باستاپ كۇشىنە ەنەدى.

رەسەيدىڭ 11 ازاماتىنىڭ, 29 ۇيىمى مەن 3 بانكتىڭ اكتيۆتەرى سانكتسياعا ۇشىرادى. ءتيىستى تىيىم سولتۇستىك كورەيانىڭ ءبىر ازاماتى مەن گرۋزيانىڭ ءبىر بانكىنە دە اسەر ەتكەن.

شەتەلدەگى 31 كومپانيا ماسكەۋگە سانكتسيانى اينالىپ وتۋگە كومەكتەستى دەپ ايىپتالىپ وتىر. تىزىمدە ءباا, قىتاي, قازاقستان, قىرعىزستان, تايلاند جانە تۇركيا ەلدەرىندەگى ۇيىمداردىڭ دا اتى اتالادى. 

جاپونيا سىرتقى ىستەر مينيسترلىگىنىڭ مالىمەتىنە سۇيەنسەك, استانادا تىركەلگەن «Da group 22» كومپانياسى سانكتسيا استىندا قالعان.