Áleýmet jáne qoǵam
Qazaqstandyq qyzdarǵa APV-ǵa qarsy amerıkalyq vakına salynady
Foto: stopfake.kz
Qyrkúıek aıynda 11 jastaǵy qyz balalardy Adamnyń papılloma vırýsyna qarsy vakınalaý bastalady. Bul týraly QR DSM Sanıtarlyq-epıdemıologııalyq baqylaý komıteti tóraǵasynyń orynbasary Záýre Ahmetova aıtyp berdi.
Ekpege APV-nyń barynsha onkogendi túrlerinen qorǵaıtyn «Merk Sharp jáne Doým» (AQSh) kompanııasy shyǵarǵan 4 valentti «Gardasıl» vakınasy qoldanylady.
«APV-ǵa qarsy vakınaııa onkologııalyq aýrýlardyń, sonyń ishinde jatyr moıny obyrynyń aýyrtpalyǵyn azaıtýǵa múmkindik beredi jáne jalpy halyqtyń densaýlyq kórsetkishterin jaqsartýǵa jáne onkologııalyq aýrýlardan bolatyn syrqattanýshylyq pen ólim-jitimdi tómendetýge yqpal etedi», – dedi Z. Ahmetova Ortalyq kommýnıkaııalar qyzmetinde.
Spıkerdiń aıtýynsha, Qazaqstanda jatyr moıny obyry barlyq jastaǵy áıelder arasynda sút bezi obyrynan keıingi ekinshi orynda tur jáne fertıldi jastaǵy (25-44 jas) áıelder ólimi boıynsha ekinshi orynda tur.
«Elimizde jyl saıyn jatyr moıny obyrynyń 1900-ge jýyq jańa jaǵdaıy tirkeledi, jyl saıyn 600-den astam áıel osy patologııadan qaıtys bolady. Búgingi tańda papılloma vırýsyn juqtyrýdyń jáne jatyr moıny obyrynyń damýynyń aldyn alýdyń jalǵyz joly – vakınalaý», – dedi spıker.
Syrqattyń aýyrtpalyǵyn jáne APV-ǵa qarsy vakınaııalaýdyń tıimdiligin eskere otyryp, 135 memleket, onyń ishinde О́zbekstan, Qyrǵyzstan, Tájikstan, Túrikmenstan bul vakınany ózderiniń ulttyq ımmýndaý baǵdarlamalaryna engizgen.
