Álem jańalyqtary
Qazaqstandyq mánerlep syrǵanaýshy tórt qurlyq chempıonatynda jeńiske jetti
Foto: UOK
Mánerlep syrǵanaýdan Qazaqstan erler quramasynyń kóshbasshysy Mıhaıl Shaıdorov Seýlde (Ońtústik Koreıa) ótip jatqan tórt qurlyq chempıonatynda jeńimpaz atandy, dep habarlaıdy
Qazaq sportshysy qysqa baǵdarlamadan keıin kóshbasshylyqty saqtap turdy. Nátıjesinde ol basymdyqty jibermeı, altyn medal jeńip aldy.
Shaıdorov erkin baǵdarlamada tóreshilerdiń sheshimimen 190.37 upaı jınady. Jalpy esepte 285.10 upaıǵa qol jetkizdi.
Ekinshi oryndy 265.02 upaımen Cha Djýn Hvan (Ońtústik Koreıa) ıelendi, al úshinshi orynǵa 245.01 upaımen amerıkalyq Djımmı Ma turaqtady.
Dıas Jırenbaev 19-orynǵa ıe boldy. Ol 166.34 upaı jınady.
Aıta keteıik, Mıhaıl Shaıdorov bul týrnırde jeńiske jetken ekinshi qazaqstandyq atandy. 2015 jyly Seýlde Denıs Ten top jarǵan bolatyn. Al 2019 jyly Elızabet Tursynbaeva kúmis medal jeńip alǵan edi.
