قازاقستاندىق مەكتەپ اسحانالارىنداعى مازىرلەردە تۇز بەن قانت مولشەرى ازايتىلادى

فوتو: pixabay.com

قازاقستانداعى مەكتەپ ينتەرناتتار مەن مەكتەپتە ەندى مازىردەگى تاعامداردا تۇز بەن قانت مولشەرى ءۇش ەسە ازايتىلادى. بۇل تۋرالى qandastar.kz اقپارات اگەنتتىگى حابارلايدى.

كوميتەت ءبىلىم بەرۋ ۇيىمدارى ءۇشىن ۇلگىلىك پەرسپەكتيۆالىق ءمازىر ازىرلەدى. ول دۇنيەجۇزىلىك دەنساۋلىق ساقتاۋ ۇيىمىنىڭ سەمىزدىك, قانت ديابەتى, جۇرەك-قان تامىرلارى جانە باسقا اۋرۋلاردىڭ دامۋ قاۋپىن ازايتۋ ءۇشىن تۇز بەن قانتتى ازايتۋ جونىندەگى ۇسىنىستارىن قاراستىردى.

مىسالى, بالالار تاۋلىك بويى بولاتىن ۇيىمداردا قانت مولشەرى 3,3-3,6 ەسە ازايادى:

• 6-10 جاس ارالىعىنداعى جاس توبىندا – 55 گ-نان 15 گ-عا دەيىن;
• 11-14 جاس توبىندا – 70گ-نان 21 گ-عا دەيىن.

ال تۇز مولشەرى – 3,3-5 ەسە:

• 6-10 جاس توبىندا – 15 گ- نان 3 گ-عا دەيىن;
• 11-14 جاس توبىندا – 15 گ- نان 4,5 گ-عا دەيىن.

«نەگىزگى مازىرگە ەت, بالىق جانە كوكونىس تاعامدارى, جاڭا پىسكەن كوكونىس سالاتتارى جانە قانت مولشەرى از سۋسىندار كىرەدى», – دەلىنگەن حابارلامادا.

Stan.kz جازعانداي, مازىردە مايى از ءسۇت, پروبيوتيكتەرى بار اشىتىلعان ءسۇت ونىمدەرى مەن كوكونىستەر مەن جەمىستەردىڭ سانى ارتتى.

ددۇ مالىمەتتەرى بويىنشا, ەرەسەكتەرگە كۇنىنە 5 گ-نان اسپايتىن تۇزدى تۇتىنۋ ۇسىنىلادى. بالالار ءۇشىن ۇسىنىس ودان دا از: كۇنىنە 2 گ. ەرەسەكتەرگە تاۋلىگىنە 25-50 گ (12 شاي قاسىق) ارتىق ەمەس قانت تۇتىنۋ ۇسىنىلادى.