Qazaqstandyq mektep ashanalaryndaǵy mázirlerde tuz ben qant mólsheri azaıtylady

Foto: pixabay.com

Qazaqstandaǵy mektep ınternattar men mektepte endi mázirdegi taǵamdarda tuz ben qant mólsheri úsh ese azaıtylady. Bul týraly qandastar.kz aqparat agenttigi habarlaıdy.

Komıtet bilim berý uıymdary úshin úlgilik perspektıvalyq mázir ázirledi. Ol Dúnıejúzilik densaýlyq saqtaý uıymynyń semizdik, qant dıabeti, júrek-qan tamyrlary jáne basqa aýrýlardyń damý qaýpin azaıtý úshin tuz ben qantty azaıtý jónindegi usynystaryn qarastyrdy.

Mysaly, balalar táýlik boıy bolatyn uıymdarda qant mólsheri 3,3-3,6 ese azaıady:

• 6-10 jas aralyǵyndaǵy jas tobynda – 55 g-nan 15 g-ǵa deıin;
• 11-14 jas tobynda – 70g-nan 21 g-ǵa deıin.

Al tuz mólsheri – 3,3-5 ese:

• 6-10 jas tobynda – 15 g- nan 3 g-ǵa deıin;
• 11-14 jas tobynda – 15 g- nan 4,5 g-ǵa deıin.

«Negizgi mázirge et, balyq jáne kókónis taǵamdary, jańa pisken kókónis salattary jáne qant mólsheri az sýsyndar kiredi», – delingen habarlamada.

Stan.kz jazǵandaı, mázirde maıy az sút, probıotıkteri bar ashytylǵan sút ónimderi men kókónister men jemisterdiń sany artty.

DDU málimetteri boıynsha, eresekterge kúnine 5 g-nan aspaıtyn tuzdy tutyný usynylady. Balalar úshin usynys odan da az: kúnine 2 g. Eresekterge táýligine 25-50 g (12 shaı qasyq) artyq emes qant tutyný usynylady.