قازاقستاندىق وقۋشىلار روبوتوتەحنيكادان الەمدىك وليمپيادادا جەڭىس تۇعىرىنان كورىندى

بىرنەشە كۇننەن بەرى تۇركيادا ءوتىپ جاتقان World Robot Olympiad – 2024 حالىقارالىق وليمپياداسى مارەسىنە جەتتى. الەمنىڭ 90 ەلىنەن 3500 جاس ينجەنەر قاتىسقان دودادا قازاقستان نامىسىن قورعاعان كوماندالار ەكى سانات بويىنشا جۇلدەگەر اتاندى.

قىزىلورداداعى زياتكەرلىك مەكتەپ وقۋشىلارى ەرنۇر ءسادۋ مەن الديار اپپاز «Future Engineers» ساناتىندا ءىى ورىندى ەنشىلەسە, تالدىقورعانداعى NIS شاكىرتتەرى ىڭكار قۇرمانباەۆا مەن ايىم باۋىرجانقىزى «Future ءىnnovators Senior» ساناتىندا ءىىى ورىن الدى.

سونداي-اق «RoboSports» ساناتىندا سەمەيدەگى NIS وقۋشىلارى ءىلياس ماحاتوۆ پەن امير بەرەكەنوۆ ۇزدىك 5-كە ەندى, ال قىزىلوردا NIS وقۋشىلارى دىنمۇحاممەد ابديەۆ پەن ماكسيم ۋسولتسەۆ «Robomission» كاتەگورياسىندا ۇزدىك وندىققا تابان تىرەپ, ۇپاي ساندارى بويىنشا 7-ورىنعا تۇراقتادى.

بۇدان بولەك تالدىقورعانداعى زياتكەرلىك مەكتەپتىڭ وقۋشىلارى سەرجان قادىلبەك پەن اقنيەت مولداكەريموۆ «Technical solution award» نوميناتسياسىمەن ماراپاتتالدى.

ايتا كەتەيىك, بەدەلدى بايقاۋعا ەلىمىزدىڭ اتىنان 13 كوماندا قاتىسقان بولاتىن.