Qazaqstandyq oqýshylar robototehnıkadan álemdik olımpıadada jeńis tuǵyrynan kórindi

Birneshe kúnnen beri Túrkııada ótip jatqan World Robot Olympiad – 2024 halyqaralyq olımpıadasy máresine jetti. Álemniń 90 elinen 3500 jas ınjener qatysqan dodada Qazaqstan namysyn qorǵaǵan komandalar eki sanat boıynsha júldeger atandy.

Qyzylordadaǵy Zııatkerlik mektep oqýshylary Ernur Sádý men Aldııar Appaz «Future Engineers» sanatynda II oryndy enshilese, Taldyqorǵandaǵy NIS shákirtteri Ińkár Qurmanbaeva men Aıym Baýyrjanqyzy «Future Innovators Senior» sanatynda III oryn aldy.

Sondaı-aq «RoboSports» sanatynda Semeıdegi NIS oqýshylary Ilııas Mahatov pen Amır Berekenov úzdik 5-ke endi, al Qyzylorda NIS oqýshylary Dinmuhammed Ábdıev pen Maksım Ýsolev «Robomission» kategorııasynda úzdik ondyqqa taban tirep, upaı sandary boıynsha 7-orynǵa turaqtady.

Budan bólek Taldyqorǵandaǵy Zııatkerlik mekteptiń oqýshylary Serjan Qadylbek pen Aqnıet Moldakerımov «Technical solution award» nomınaııasymen marapattaldy.

Aıta keteıik, bedeldi baıqaýǵa elimizdiń atynan 13 komanda qatysqan bolatyn.