قازاقستاندىق وليگارحتار مافيا ويناپ, بالىق اۋلاۋ ءۇشىن كاريب ارالدارىنا باردى

فوتو:  shayekin_ruslan

قازاقستاندىق ءبىر توپ  وليگارح قارماق سايلاپ, بالىققا شىعۋ ءۇشىن ترينيداد جانە توباگو رەسپۋبليكاسىنا بارعان, دەپ حابارلايدى qandastar.kz

قازاقستاندىق كاسىپكەر رۋسلان شاەكين دوستارىمەن بىرگە كاريبتە تۇسكەن سۋرەتىن جاريالادى.

«ساپار جاقسى ءوتتى. ادەتتەگىدەي كەشكە مافيا ويناپ, ازىلدەسىپ, شاحمات تۋرنيرلەرىن وتكىزدىك. كوپتەگەن قىزىقتى, جاڭا نارسەلەر بولدى. بارلىعى  كەلەسى ساپاردى اسىعا كۇتۋدە», – دەپ جازدى ول.

شاەكينمەن بىرگە بيزنەسمەن يگور سترەلەتس, YPO Kazakhstan مۇشەسى جانە الماتى قالاسى ءماسليحاتىنىڭ VIII شاقىرىلىمىنىڭ دەپۋتاتى رۋسلان ىدىرىسوۆ, تانىمال بلوگەر جانە ءىرى برەندتەردىڭ ەلشىسى بەيبىت الىبەكوۆ, Freedom Holding كورپوراتسياسىنىڭ يەسى تيمۋر تۋرلوۆ جانە Magnum Cash&Carry ءىرى ساۋدا جەلىسىنىڭ باسشىسى ازامات وسمانوۆ بار.  ولاردىڭ كەيبىرىن Forbes تىزىمىنەن تابۋعا بولادى.

ايتا كەتەيىك, ترينيداد جانە توباگو رەسپۋبليكاسى — كاريب تەڭىزىنىڭ وڭتۇستىگىندە ورنالاسقان ارالدىق مەملەكەت.