قازاقستاندىق ءورت ءسوندىرۋشى جان-كلود ۆان داممنىڭ شپاگاتىن قايتالادى

فوتو: ۆيدەودان سكرين

ورال قالاسىندا ءورت ءسوندىرۋشى ەكى ءورت ءسوندىرۋ كولىگىمەن تريۋك جاساپ, ايگىلى اكتەر جان-كلود ۆان دامم سياقتى شپاگاتقا وتىردى, دەپ جازدى qandastar.kz

جەلى جۇلدىزىنا اينالعان توتەنشە جاعداي قىزمەتكەرى كوپشىلىكتى ءتانتى ەتتى. بۇل تۋرالى Stan.kz اقپارات اگەنتتىگى حابارلايدى.

اسەرلى ۆيدەو ورال قالاسى توتەنشە جاعداي باسقارماسىنىڭ Instagram پاراقشاسىندا جاريالاندى. ۆيدەودا قۇتقارۋ قىزمەتىنىڭ قىزمەتكەرى ەكى ءجۇرىپ كەلە جاتقان ءورت سوندىرەتىن كولىكتىڭ ۇستىندە تۇرىپ, شپاگاتقا وتىردى. اۆتور ۆيدەوداعى ءىس-ارەكەتتى كاسىبي ماماندار جاساعانىن, مۇنىڭ قاۋىپتى جانە وز بەتىنشە قايتالاۋعا بولمايتىنىن ەسكەرتتى.

توتەنشە جاعداي باسقارماسى بۇل ۆيدەو ارقىلى قازاقستاندىق قۇتقارۋشىلاردىڭ جوعارى فيزيكالىق دايىندىقتارىن عانا ەمەس, وتاندىق تەحنيكانىڭ مۇمكىندىكتەرىن دە كورسەتتى.

“بۇل ءورت ءسوندىرۋ كولىگى – يمپورت ەمەس. بۇل – ينجەنەرلەرىمىز بەن جۇمىسشىلارىمىزدىڭ ەڭبەگىنىڭ ناتيجەسى. ءوزىمىزدىڭ ءوندىرىس, ءوز شەشىمىمىز, قازاقستاندا وز كوشەلەرىمىز بەن جولدارىمىزعا, ءوز قۇتقارۋشىلارىمىز ءۇشىن ارنايى جاسالعان”, – دەلىنگەن ۆيدەو استىنداعى جازبادا.

جەلىدە تاراعان ۆيدەو قازاقستاندىقتارعا كەرەمەت اسەر قالدىردى. كوپشىلىك قايسار قۇتقارۋشىلارمەن جانە وتاندىق ونىمدەرمەن ماقتاناتىنىن جازدى.

“ورالدا وسىنداي ارنايى تەحنيكا قۇراستىراتىنى قانداي كەرەمەت. سىزدەرمەن ماقتانامىز”, “مىقتى”, “جارايسىڭدار, ادەمى, زاماناۋي تەحنيكالار”, “تابىستى بولىڭدار, دامىڭدار. ورالدا وسىنداي مىقتى كاسىپورىننىڭ بارى قانداي كەرەمەت”, “قۇتقارۋشى ەشقانداي قاۋىپسىزدىك قۇرالىنسىز كەرەمەت الىپ شىقتى”, – دەپ جارىسا جازدى جەلى قولدانۋشىلار.