Qazaqstandyq órt sóndirýshi Jan-Klod Van Dammnyń shpagatyn qaıtalady

Foto: Vıdeodan skrın

Oral qalasynda órt sóndirýshi eki órt sóndirý kóligimen trıýk jasap, áıgili akter Jan-Klod Van Damm sııaqty shpagatqa otyrdy, dep jazdy qandastar.kz

Jeli juldyzyna aınalǵan tótenshe jaǵdaı qyzmetkeri kópshilikti tánti etti. Bul týraly Stan.kz aqparat agenttigi habarlaıdy.

Áserli vıdeo Oral qalasy tótenshe jaǵdaı basqarmasynyń Instagram paraqshasynda jarııalandy. Vıdeoda qutqarý qyzmetiniń qyzmetkeri eki júrip kele jatqan órt sóndiretin kóliktiń ústinde turyp, shpagatqa otyrdy. Avtor vıdeodaǵy is-áreketti kásibı mamandar jasaǵanyn, munyń qaýipti jáne óz betinshe qaıtalaýǵa bolmaıtynyn eskertti.

Tótenshe jaǵdaı basqarmasy bul vıdeo arqyly qazaqstandyq qutqarýshylardyń joǵary fızıkalyq daıyndyqtaryn ǵana emes, otandyq tehnıkanyń múmkindikterin de kórsetti.

“Bul órt sóndirý kóligi – ımport emes. Bul – ınjenerlerimiz ben jumysshylarymyzdyń eńbeginiń nátıjesi. О́zimizdiń óndiris, óz sheshimimiz, Qazaqstanda óz kóshelerimiz ben joldarymyzǵa, óz qutqarýshylarymyz úshin arnaıy jasalǵan”, – delingen vıdeo astyndaǵy jazbada.

Jelide taraǵan vıdeo qazaqstandyqtarǵa keremet áser qaldyrdy. Kópshilik qaısar qutqarýshylarmen jáne otandyq ónimdermen maqtanatynyn jazdy.

“Oralda osyndaı arnaıy tehnıka qurastyratyny qandaı keremet. Sizdermen maqtanamyz”, “Myqty”, “Jaraısyńdar, ádemi, zamanaýı tehnıkalar”, “Tabysty bolyńdar, damyńdar. Oralda osyndaı myqty kásiporynnyń bary qandaı keremet”, “Qutqarýshy eshqandaı qaýipsizdik quralynsyz keremet alyp shyqty”, – dep jarysa jazdy jeli qoldanýshylar.