قازاقستاندىق وتباسى گرەپپلينگتەن ازيا چەمپيوناتىندا توپ جاردى

فوتو: بەينەۋ اۋدانى

اتىراۋ وبلىسى بەينەۋ اۋدانىنىڭ تۇرعىندارى – اكەسى مەن ۇلى تايلاندتا گرەپپلينگتەن وتكەن ازيا چەمپيوناتىنان جەڭىسپەن ورالدى, دەپ جازدى qandastar.kz

بۇل تۋرالى بەينەۋ اۋدانى اكىمدىگىنىڭ ءباسپاسوز قىزمەتى ءمالىم ەتتى.

اكىمدىكتىڭ مالىمەتىنشە, 22-23 اقپان كۇندەرى تايلاند استاناسى بانگكوكتا AIGA ASIAN CHAMPIONSHIP 2025 ءتۋرنيرى وتكەن. ازيانىڭ ءتۇرلى ەلدەرىنەن كەلگەن مىقتى سپورتشىلار سىنعا تۇسكەن تۋرنيردە قازاقستاندىق سپورتشىلار دا ونەر كورسەتكەن.

بۇل تۋرنيردە بەينەۋ اۋدانىنىڭ اتاعىن اسقاقتاتىپ جۇرگەن سپورتشىلار – جەڭىس قايرانوۆ پەن ۇلى ەركەبۇلان يسلامعالي توپ جارعان.

ەركەبۇلان يسلامعالي 55 كيلوگرامم سالماقتا (15-17 جاس ارالىعىن) چەمپيون بولسا, اكەسى جەڭىس قايرانوۆ, 20 جاستان جوعارى 60 كيلوگرامم سالماقتا ءبىرىنشى ورىندى يەلەنىپ, ءوزىنىڭ تاجىريبەسى مەن شەبەرلىگىن دالەلدەگەن.

«جەڭىس قايرانوۆ پەن ەركەبۇلان يسلامعالي – گرەپپلينگ تاريحىنداعى ىزدەرىن قالدىراتىن سپورتشىلار, ولاردىڭ جەڭىستەرى جەتىستىك قانا ەمەس, وتباسىلىق قۇندىلىقتارعا نەگىزدەلگەن ەڭبەك پەن قولداۋدىڭ جەمىسى», – دەلىنگەن اكىمىدىك حابارلاسىنمادا.