Qazaqstandyq otbasy grepplıngten Azııa chempıonatynda top jardy

Foto: Beıneý aýdany

Atyraý oblysy Beıneý aýdanynyń turǵyndary – ákesi men uly Taılandta grepplıngten ótken Azııa chempıonatynan jeńispen oraldy, dep jazdy qandastar.kz

Bul týraly Beıneý aýdany ákimdiginiń baspasóz qyzmeti málim etti.

Ákimdiktiń málimetinshe, 22-23 aqpan kúnderi Taıland astanasy Bangkokta AIGA ASIAN CHAMPIONSHIP 2025 týrnıri ótken. Azııanyń túrli elderinen kelgen myqty sportshylar synǵa túsken týrnırde qazaqstandyq sportshylar da óner kórsetken.

Bul týrnırde Beıneý aýdanynyń ataǵyn asqaqtatyp júrgen sportshylar – Jeńis Qaıranov pen uly Erkebulan Islamǵalı top jarǵan.

Erkebulan Islamǵalı 55 kılogramm salmaqta (15-17 jas aralyǵyn) chempıon bolsa, ákesi Jeńis Qaıranov, 20 jastan joǵary 60 kılogramm salmaqta birinshi oryndy ıelenip, óziniń tájirıbesi men sheberligin dáleldegen.

«Jeńis Qaıranov pen Erkebulan Islamǵalı – grepplıng tarıhyndaǵy izderin qaldyratyn sportshylar, olardyń jeńisteri jetistik qana emes, otbasylyq qundylyqtarǵa negizdelgen eńbek pen qoldaýdyń jemisi», – delingen ákimidik habarlasynmada.